ا ق ش- تىڭ ۇلتتىق قاۋىپسىزدىك اگەنتتىگىنە شابۋىل جاسالدى
USA Today باسىلىمىنىڭ حابارلاۋىنشا، ايەل ادامنىڭ كيىمىن كيىپ العان 2 ەر ازامات قاتتى جىلدامدىقپەن كەلىپ قاۋىپسىزدىك مەكەمەسىنىڭ قاقپاسىن قيراتقان. وقيعا سوڭى اتىسپەن اياقتالدى.
سالدارىنان كولىكتەگى ەكى قىلمىسكەردىڭ بىرەۋى مەرت بولىپ، ەكىنشىسى جارالاندى. جانە ولارعا توسقاۋىل بولعان پوليتسيا قىزمەتكەرى دە اۋرۋحاناعا جونەلتىلدى. ءتارتىپ ساقشىلارى بۇزاقىلار مىنگەن كولىكتەن قارۋ مەن ەسىرتكى زاتتارىن تاپتى.
ءارى ول كولىكتىڭ ۇرلانعاندىعى انىقتالدى. بۇل - وسى ايدىڭ ىشىندە ۇلتتىق قاۋىپسىزدىك اگەنتتىگىنە جاسالعان ەكىنشى شابۋىل. فورت- ميدتەگى ۇلتتىق قاۋىپسىزدىك اگەنتتىگىنىڭ شتاب- پاتەرىندە 11 مىڭ اسكەري جانە 29 مىڭ ازاماتتىق قىزمەتكەرلەر جۇمىس ىستەيدى. ول ۆاشينگتوننان نەبارى 40 شاقىرىم قاشىقتىقتا ورنالاسقان.
www.24.kz
