يۋان كوبىرەك پايدالانىلاتىن الەم ۆاليۋتالارىنىڭ بەستىگىنەن شىعىپ قالدى
ءسويتىپ، يۋان توپ-5 تە نەبارى ءۇش اي تۇراقتادى - 2014 - جىلعى قاراشادا قىتاي ۆاليۋتاسى جەتىنشى ورىننان بەسىنشى ورىنعا جوعارىلاپ، كانادالىق جانە اۆستراليالىق دوللاردى باسىپ وزعان بولاتىن، دەپ حابارلادى ربك.
قىستىڭ كوپ بولىگىندە يۋان الەمدىك ەسەپ- قيساپتا ا ق ش دوللارىنا، ەۋروعا، بريتان فۋنت ستەرلينگىسىنە جانە جاپون يەنىنە عانا جول بەردى. 2014 -جىلى جەلتوقساندا ول بارىنشا كوتەرىلىپ 2,17 پايىز مەجەگە جەتتى، سونىڭ ناتيجەسىندە يەننىڭ ارتىقشىلىعى 0,5 پايىزدىق تارماققا دەيىن قىسقاردى.
قاڭتاردا يۋان 2,06 پايىزعا دەيىن قىسقاردى، ءبىراق تا وعان قاراماستان ق ح ر ۆاليۋتاسى توپ-5 تە قالدى، ال قۇجاتتامالىق اككرەديتيۆتەر بويىنشا ەسەپ- قيساپتا ونىڭ ۇلەسى شيرەك كولەمگە دەيىن ءوسىپ (7,32 پايىزدان 9,43 پايىزعا دەيىن) سونىڭ ناتيجەسىندە يۋان ەكىنشى ورىنعا ورنىعىپ، ەۋرودان ەداۋىر ۇزاپ كەتتى.
2015 -جىلعى اقپاننىڭ قورىتىندىسىندا يۋان ۇلەسى 1,81 پايىزعا دەيىن قىسقارىپ، ۆاليۋتالاردىڭ حالىقارالىق ەسەپ- قيسابىندا ەڭ كوپ قولدانىلاتىن ۆاليۋتالاردىڭ رەيتينگىسىندە قايتادان جەتىنشى ورىنعا شەگىندى.
ونىڭ بۇلايشا قۇلدىراۋىن SWIFT ساراپشىلارى ۇزاققا سوزىلعان قىتايلىق جاڭا جىل مەرەكەسىنەن كورەدى. قىتايدا ونى اتاپ ءوتۋ 19 - اقپاندا باستالدى جانە بۇل ءبىرقاتار جەرگىلىكتى بانكتەر مەن قارجى كومپانيالارىنىڭ بىرنەشە كۇندەر بويى كانيكۋلگە كەتۋىنە اكەپ سوقتى.
2015 -جىلعى ناۋرىزدا ق ح ر ورتالىق بانكىنىڭ باسشىسى جوۋ شياوچۋان دەفلياتسيا قاۋپىن ەسكەرتىپ، ەگەر ەل شامادان تىس جۇمساق نەسيە-اقشا ساياساتىن جۇرگىزەتىن بولسا، قىتايدىڭ قۇرىلىمدىق رەفورمالارى پايدا بەرمەيتىنىن ايتقان بولاتىن.
