شىمكەنتتە «جاسىل ايماق» مەكەمەسى قۇرىلدى

بۇعان دەيىن دە 2,5 مىڭ گەكتار جەرگە اعاش ەگىلگەنى بەلگىلى. ال وسى كوشەتتەردى كۇتۋ ماقساتىندا وبلىس اكىمىنىڭ قاۋلىسىمەن «جاسىل ايماق» مەملەكەتتىك كوممۋنالدىق مەكەمەسى قۇرىلدى.

2015-جىلدىڭ 1- ساۋىرىنەن باستاپ مەكەمەنىڭ باسشىسى تاعايىندالىپ، جۇمىس باستالماق. ال ازىرگە ماماندار بۇرىن ەگىلگەن كوشەتتەردىڭ ءتۇبىن قوپسىتىپ جاتىر.

شىمكەنت قالاسىنىڭ اينالاسىنان بولىنگەن 2500 گەكتار جەر ۋچاسكەسى بادام ورمان جانە جانۋارلار الەمىن قورعاۋ جونىندەگى مەكەمەگە بەرىلدى. بۇگىنگى تاڭدا جەر دايىنداۋ جۇمىسى تولىعىمەن اياقتالعان. كۇزدە كوشەت ەگىلەدى. قالانىڭ باس جوسپارىنىڭ بەكىتىلۋىنە بايلانىستى جاسىل ايماقتىڭ اۋقىمى كەلەشەكتە 26 مىڭ گەكتارعا ۇلعايتىلادى دەگەن جوسپار بار.

2009-جىلى مىڭ گەكتار جەرگە 398 مىڭ 437 اعاش كوشەتى وتىرعىزىلىپ، 150 ميلليون تەڭگە جۇمسالدى. 2010-جىلى سايرام، ورداباسى اۋداندارىنان جەر تەلىمدەرى الىنىپ، 680 مىڭ ءتۇپ قاراعاش، ۇيەڭكى، ورىك، جيدە اعاشتارىنىڭ كوشەتتەرى ەگىلگەن. ال 2011-جىلى ءتورت ۇڭعىما قازىلىپ، جاسىل جەلەك 40 مىڭ ءتۇپ اعاشپەن تولىقتى. جالپى سول ەگىلگەن كوشەتتەردىڭ بۇگىنگى تاڭدا 75-80 پايىزى جەرسىنگەن دەيدى ماماندار.

بۇگىندە 2500 گەكتار جاسىل ايماقتىڭ مىڭ گەكتارى قالانىڭ قاراۋىندا بولسا، 2 مىڭنان استامى بادام ورمان شارۋاشىلىعىندا. ەندى وسى القاپتىڭ بارلىعى بىرىكتىرىلىپ، جاڭا قۇرىلعان «جاسىل ايماق» مەملەكەتتىك مەكەمەسىنە قارايتىن بولادى، دەپ جازادى وتىرار. ك ز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى