ساركوزيدىڭ پارتياسى جەڭىسكە جەتتى

ەكزيتپۋل مالىمەتتەرى بويىنشا، ساياسي دودادا نيكوليا ساركوزيدىڭ «حالىقتىق قوزعالىس وداعى» جەڭىسكە جەتتى. ءسويتىپ ەكس-پرەزيدەنت پارتياسى وڭىرلىك كەڭەس قۇرامىنداعى 101 دەپارتامەنتتىڭ 60 تان استامىن ءوز باقىلاۋىنا الماق.

وسىلايشا بيلىك باسىنداعى سولشىل سوتسياليستىك پارتيا 30 شاقتى دەپارتامەنتتەگى ىقپالىن جوعالتتى. ءتىپتى ەل پرەزيدەنتى فرانسۋا وللاندتىڭ تۋعان جەرى كوررەزدە ونىڭ قارسىلاستارى وڭشىل پارتيادان شىققان ۇمىتكەرگە سەنىم بىلدىرگەن.

داۋىس بەرۋگە 40 ميلليون سايلاۋشىنىڭ شامامەن 50 پايىزى قاتىسقان. پرەمەر-مينيستر مانۋەل ۆالس سوتسياليستەردىڭ جەڭىلىسىن مويىنداپ، ەل ساياساتىنا بايلانىستى الاڭداۋشىلىعىن ءبىلدىردى.

مانۋەل ۆالس، فرانسيانىڭ پرەمەر- ءمينيسترى:

- وڭشىلداردىڭ ناتيجەلەرى وتە جوعارى. بۇل جەڭىس - رەسپۋبليكالىق قۇندىلىقتارعا سەنىم بىلدىرۋشىلەر ءۇشىن ۇلكەن سىناق. مەملەكەت ساياساتىنداعىلار وسىدان ۇلكەن ساباق الۋى ءتيىس.

www.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى