ونەر ورىندارىندا كەزەك كوبەيىپ، بيلەت تابىلمايتىن دەڭگەيگە جەتۋى كەرەك - ب. ساپاربايەۆ
بۇل تۋرالى بۇگىن «ماڭگىلىك ەل - ەلدىڭ بىرىكتىرۋشى كۇشى» اتتى شىعارماشىلىق جانە زيالى قاۋىم وكىلدەرىنىڭ فورۋمىندا ق ر پرەمەر-ءمينيسترىنىڭ ورىنباسارى بەردىبەك ساپاربايەۆ ءمالىم ەتتى.
«مادەنيەت سالاسىنداعى باستى قۇجات - ەلباسى بەكىتكەن قازاقستانداعى مادەني ساياساتتىڭ تۇجىرىمداماسى. قۇجاتتا بارلىق نەگىزگى ماسەلەلەر ايتىلعان. ەندىگى مىندەتىمىز - مادەنيەت جانە سپورت مينيسترلىگىمەن بىرلەسە وتىرىپ، وسى تۇجىرىمدامانى ويداعىداي جۇزەگە اسىرۋ كەرەك. مەن ۇنەمى ايتاتىن ءبىر ماسەلە، سپورت، مادەنيەت نىساندارىن قانشا سالساق تا، حالىق ءتيىستى دەڭگەيدە ول نىساندارعا بارىپ، كورە المايدى. ءبىزدىڭ ماقساتىمىز - قازاقستاننىڭ ءار ازاماتى، ەلوردامىزعا كەلگەن قوناقتار مەن تۇرعىندار سول مادەنيەت جانە سپورت نىساندارىن ارالاپ كورۋى كەرەك. اسىرەسە، جاستار مەن بالالار. سوندىقتان زيالى قاۋىم وكىلدەرى ونەر ورىندارىندا كەزەك كوبەيىپ، بيلەت تابىلمايتىن دەڭگەيگە جەتۋ ءۇشىن بارىن سالىپ جۇمىس ىستەۋى كەرەك. نەگىزگى مىندەتىمىز - مەملەكەتىمىزدىڭ بولاشاعى ءۇشىن ەڭبەك ەتۋىمىز كەرەك. ول ءۇشىن ەلىمىزدە بىرلىك بولۋى كەرەك، ىنتىماق بولۋى كەرەك. قازاقستاننىڭ دامۋى ءۇشىن ءارقايسىمىز ءوز ۇلەسىمىزدى قوسامىز»، - دەدى ب. ساپاربايەۆ.
اۆتور: جاسۇلان جولدىبايەۆ
