قازاقستاندا ق ر پرەزيدەنتى جانىنان ادەبيەت جانە ونەر بويىنشا ۇلتتىق كەڭەس قۇرىلادى

بۇل تۋرالى بۇگىن «ماڭگىلىك ەل - ەلدىڭ بىرىكتىرۋشى كۇشى» اتتى شىعارماشىلىق جانە زيالى قاۋىم وكىلدەرىنىڭ فورۋمىندا مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.

«سالانى ينستيتۋتسيونالدىق قايتا قۇرۋ، باسقارۋشىلىق ماسەلەلەردى ۇيلەستىرۋ ماقساتىندا ەلىمىزدە العاش رەت قازاقستان پرەزيدەنتى جانىندا ادەبيەت، ونەر بويىنشا ۇلتتىق كەڭەستى قۇرۋ جوسپارلانىپ وتىر. سونداي- اق ق ر مادەنيەت جانە سپورت مينيسترلىگى جانىندا سالالار بويىنشا كوركەمدىك كەڭەس قۇرۋ قاراستىرىلۋدا»، - دەدى ۆەدومستۆو باسشىسى.

وسى ورايدا مينيستر ۇلتتىق كەڭەس مادەني ساياساتتى جۇزەگە اسىرۋ ماسەلەلەرىندە كەڭەس بەرۋدىڭ باس ورگانى بولاتىندىعىن اتاپ ءوتتى. ونىڭ قۇرامىنا دەپۋتاتتار، ۇكمەت وكىلدەرى، شىعارماشىلىق وداقتار مەن مادەني ۇيىمداردىڭ جەتەكشىلەرى، قوعام قايراتكەرلەرى، بيزنەس- قوعامداستىقتاردىڭ وكىلدەرى كىرەتىن بولادى.

«جاڭا القالىق ورگان رەپەرتۋارلىق ساياساتتى تاڭدايدى، گاسترولدىك قىزمەتتى رەتتەيدى، ساحنالىق شەبەرلىكتى ارتتىرۋعا كۇش سالىپ، مامانداردى تاڭداۋعا اتسالىسادى»، - دەيدى مينيستر.

مۇنىمەن قوسا، سالالار بويىنشا كوركەمدىك كەڭەستەر مادەنيەت باعىتىندا باسەكەگە قابىلەتتى وتاندىق ءونىمدى قۇرۋ ماقساتىندا بىرلەستىكتەردىڭ قىزمەتىن ىنتالاندىرۋ مەن باعالاۋدى، ۇيلەستىرۋدى قامتاماسىز ەتەدى دەپ كۇتىلۋدە.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى