ءا. جاقسىبەكوۆ استاناداعى قوعامدىق كولىك قىزمەتىن ءبىر اي ىشىندە جونگە كەلتىرۋدى تاپسىردى
قالا باسشىسى تۇرعىنداردان «ۆيرتۋالدى قابىلداۋ بولمەسى» مەن «حالىقتىق باقىلاۋ» ايدارلارىنا كەلىپ تۇسەتىن شاعىمدارعا توقتالدى. قوعامدىق كولىك جۇمىسىنداعى تۇيتكىلدى ماسەلەلەر ءالى دە وزەكتى.
استانالىقتار لاس اۆتوبۋستارعا، ايالدامالارعا توقتاماي، جۇرگىنشىلەردى باعدارشام ماڭىنا نەمەسە جولدىڭ ورتاسىندا تاستاپ كەتەتىن، قوزعالىس كەزىندە جارىس ۇيىمداستىراتىن جۇرگىزۋشىلەرگە نارازى.
- مەن قوعامدىق كولىك جۇمىسىن جونگە كەلتىرۋدى بىرنەشە رەت تاپسىرعانمىن. باسىم باعىتتاردى بەلگىلەدىك، جاڭا اۆتوبۋستار الدىق، جۇرگىزۋشىلەر مەن كوندۋكتورلاردى وقىپ- ۇيرەتەتىن كۋرستار جۇرگىزىلىپ جاتىر. ءتيىستى ناتيجە كورەتىن ۋاقىت كەلگەن سەكىلدى. الايدا تۇرعىنداردىڭ شاعىمدارىنا سۇيەنسەك، جاعداي تۇبەگەيلى وزگەرمەگەن، - دەدى قالا اكىمى.
ەلوردا باسشىسى ءبىر ايدا قوعامدىق كولىك قىزمەتىن جونگە كەلتىرۋدى تاپسىردى.
تاعى ءبىر وزەكتى ماسەلە - كەيبىر ساياباقتار مەن سكۆەرلەردىڭ، سونىمەن قاتار جاياۋ جۇرگىنشىلەرگە ارنالعان جولاستى وتكەلدەرىنىڭ جاعدايىنىڭ قاناعاتتانارلىقسىز بولۋى.
مىسالى، قابانباي باتىر داڭعىلى ارقىلى وتەتىن «رامستور» ساۋدا ءۇيىنىڭ ماڭىنداعى جولاستى وتكەلى قالا تۇرعىندارى مەن مۇگەدەكتەر ءۇشىن قاۋىپتى، دەپ سانايدى ءا. جاقسىبەكوۆ.
ەلوردا باسشىسى بارلىق جەراستى وتكەلدەرىن تەكسەرىپ، رەتكە كەلتىرۋدى تاپسىردى.
