دوللاردىڭ تەڭگەگە شاققانداعى باعامى وسى اپتادا ازداپ كوتەرىلەدى - ساراپشى

«ۆاليۋتا نارىعىندا تاعى ءبىر ادەتتەگىدەي اپتا كۇتىلىپ وتىر. دوللاردىڭ باعامى 185,50-185,95 تەڭگە كولەمىندە بولادى. ءبىرىڭعاي ۆاليۋتا قىسىمعا ءتۇستى، ەۋرو - 196 تەڭگەگە تەڭ، ال رۋبل 3,05-3,45 ساۋدا ارناسىندا قالادى»، - دەدى اناليتيك.

بودروۆانىڭ ايتۋىنشا، وتكەن اپتادا دوللاردىڭ باعامى 0,08 پايىزعا ارتتى. ونىڭ سوزىنە قاراعاندا، اپتانىڭ سوڭىندا دوللاردىڭ باعامى 185,65، ال ەۋرونىكى 196,61 تەڭگە كولەمىندە بولدى. سونىمەن قاتار، اناليتيك وتكەن اپتادا يەمەندە باستالعان اسكەري شارالاردان كەيىن مۇناي باعاسىنىڭ دا ەداۋىر جوعارىلاعانىن ايتتى.

الايدا بودروۆانىڭ ايتۋىنشا، 27 - ناۋرىز كۇنى كەشكى ۋاقىتتا شيكىزات كوتيروۆكاسى اپتا بويىندا جوعارىلاعان كورسەتكىشىن جوعالتتى. وسىلايشا، مۇنايدىڭ باعاسى ءوزىنىڭ ۇيرەنشىكتى شەڭبەرىنە قايتىپ ورالدى جانە 30 - ناۋرىز كۇنى تاڭەرتەڭ Brent ماركالى مۇنايدىڭ ءار باررەلىنىڭ باعاسى 55,87 دوللار بولدى.

«قازاقستان ەكونوميكاسىنداعى احۋال تۇراقتى: بيلىك جاعدايدى باقىلاپ، ق ر ۇلتتىق بانكى قولىنىڭ تامىرىن باسىپ وتىر، حالىق تىنىش. ماڭىزدى جاڭالىقتىڭ بولماۋى - جاقسى جاڭالىق»، - دەدى اناليتيك.

ايتا كەتەيىك، وسى جاڭالىق جازىلىپ جاتقان كەزدە قازاقستان بيرجا قورىنداعى (KASE) دوللاردىڭ تەڭگەگە شاققانداعى باعامى 185,65 كە تەڭ بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى