ا ق ش پەن رەسەي عارىش ستانساسىن سالۋعا نيەتتى

جاعىمدى جاڭالىق قازاقستاننىڭ بايقوڭىر عارىش ايلاعىندا جاريا ەتىلدى، دەپ حابارلادى ا ق ش- تىڭ UPI اگەنتتىگى. بايقوڭىردا «روس كوس موس» ءتوراعاسى يگور كوماروۆ پەن NASA باسشىسى چارلز بولدەن تۇڭعىش رەت كەزدەسىپ، جاڭا حالىقارالىق عارىش ستانساسىن سالۋعا ۋاعدالاستى.

اتالعان كەلىسىم جونىندە جۋرناليستەرگە بەرگەن باسپا ءسوز ءماسليحاتى كەزىندە قوس تاراپ تا قۋاتتاعان. ناقتىراق ايتقاندا جاڭا وربيتالىق عارىش ستانساسىن سالۋ توڭىرەگىندەگى جۇمىستاردى 2024-جىلعا دەيىن ۇزارتۋ تۋرالى كەلىسىم قابىلداندى. بۇعان دەيىن ول تەك 2020 مەن شەكتەلىپ كەلگەن ەدى. NASA جەتەكشىسى چارلز بولدەن امەريكالىق عارىش اگەنتتىگىنىڭ الدىندا اي مەن مارستى ءجىتى زەرتتەۋ مىندەتى تۇرعانىن مالىمدەدى. «ءبىز مارستى يگەرۋ جولىندا سونداي-اق «روس كوس موسپەن» بىرلەسكەن ميسسيانى جۇزەگە اسىرۋ جولدارىن قاراستىرىپ جاتىرمىز. ياعني رەسۋرس، قارجى جانە ۋاقىت مەرزىمىن ءتيىمدى پايدالانۋدىڭ تەتىكتەرى ويلاستىرىلۋدا»، - دەپ اتاپ ءوتتى ول.

اۆتورى: جىگەر سارسەن

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى