قازاقستان شەكاراشىلارى كاسپيدە زاڭسىز ءبىر توننا بەكىرە اۋلاعانداردى ۇستادى
براكونەرلەر ق ر ۇ ق ك شق- ءنىڭ «تاراز» شەكارالىق كەمەسى ەكيپاجىنىڭ تالاپتارىن ورىنداماي، قازاقستاننىڭ ايدىنداعى شەكاراسىنان ۇلكەن جىلدامدىقپەن قاشۋعا ارەكەتتەنگەن.
«ولار اۋاعا ەكى رەت ەسكەرتۋ وعى اتىلعان سوڭ بەرىلدى. قارۋ قولدانىلعاننان ەشكىم زارداپ شەككەن جوق. شاعىن قايىقتى تەكسەرۋ بارىسىندا جالپى سالماعى 946 كەلى 240 دانا بەكىرە بالىعى انىقتالدى»، دەلىنگەن حابارلامادا.
اتالعان فاكتى بويىنشا، قۇقىق قورعاۋ ورگاندارىنا حابارلاندى. تەرگەۋ امالدارى جۇرگىزىلىپ جاتىر.
