الماتىدا تولاسسىز قار جاۋىپ تۇر

الماتىنىڭ كوممۋنالدىق قىزمەتتەرى 29- ناۋرىز كۇنى قالانىڭ تاۋ بوكتەرلەرى ماڭىندا ساعات 19:00 دەن، ال قالا ىشىندە 21:30 دان باستاپ، كوشەلەرگە تۇز ارالاس قۇم سەبۋ جۇمىستارىنا كىرىستى.

ال 23 ساعات 30 مينۋتتان باستاپ، ارنايى تەحنيكالار قار تازالاۋعا جۇمىستارىنا جۇمىلدىرىلدى. بۇعان جول پوليتسياسى قىزمەتكەرلەرى قولداۋ كورسەتۋدە. كوكتايعاق بولماس ءۇشىن كوشەلەرگە تۇندە تاعى دا تۇز ارالاس قۇم سەبىلدى.

بۇل جۇمىستارعا بارلىعى 465 تەحنيكا جۇمىلدىرىلعان. ولاردىڭ 115 ءى قۇمسەپكىشتەر. سونىمەن قاتار، 810 جۇمىسشى جۇمىس ىستەۋدە. جالپى، 2202 توننا تۇز ارالاس قۇم مەن 36 توننا تۇز قولدانىلدى. قالا سىرتىنا 1600 تەكشە مەتر قار شىعارىلدى.

قازىر قالادا قار جاۋىپ تۇر. ول بارعان سايىن ۇدەي تۇسۋدە. سايكەسىنشە، كوشەلەردى قاردان تازارتۋ جۇمىستارى ودان ءارى جالعاسۋدا.

قالا مەن اۋدان اكىمدىكتەرىندە كوشەلەردى قاردان تازارتۋ جانە قالا سىرتىنا قار تاسىمالداۋ جۇمىستارى بويىنشا تاۋلىك بويعى كەزەكشىلىكتەر ۇيىمداستىرىلعان.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى