استانادا «تىراۋلاپ ۇشقان تىرنالار» سپەكتاكلى وتەدى

 سپەكتاكلدىڭ اۆتورى - ۆالەنتين ەجوۆ. قازاق تىلىنە اۋدارعان - اشىربەك سىعاي. رەجيسسەرلىق نۇسقاسىن جاساعان - تالعات تەمەنوۆ.

«ەشكىم دە، ەشنارسە دە ۇمىتىلماق ەمەس! ۇلى وتان سوعىسى... سودان بەرى 70 جىل وتسە دە، اتا-بابالارىمىزدىڭ جاساعان ەرلىكتەرى مەن كەيىنگى ۇرپاققا سىيلاعان جەڭىسى كىمنىڭ دە بولسىن جادىندا. ۇلى جەڭىستىڭ 70 جىلدىق مەرەيتويىنىڭ قارساڭىندا رەجيسسەر تالعات تەمەنوۆ ساحنالاپ وتىرعان «تىراۋلاپ ۇشقان تىرنالار» اتتى ليريكالىق دراما جەڭىستەن كەيىنگى سوۆەت سولداتتارىنىڭ ومىرىنەن سىر شەرتەدى»، - دەلىنگەن تەاتردىڭ حابارلاماسىندا.

قويىلىم باس كەيىپكەر پەرنەبەك بورانبايەۆ پەن نەمىس قىزى ينگانىڭ اراسىنداعى كەزدەيسوقتىقتان تۋىنداعان ماحاببات تاقىرىبىن كوتەرەدى. وسى ارالىقتا ادامزاتقا ورتاق قاسيەت - ماحاببات پەن جاۋىزدىق، ادامگەرشىلىك پەن سىيلاستىق، وشپەندىلىك پەن سۇيىسپەنشىلىك، ساعىنىش پەن مەيىرىمدىلىكتىڭ ۇشقىنىن سپەكتاكل بارىسىنان كورە الاسىزدار.

قويىلىم 29- ناۋرىزدا استانا ۋاقىتىمەن ساعات 18:30 دا وتەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى