قىتاي تەڭىز پورتىنان شىققان تۇراقتى كونتەينەرلىك پويىز الماتىعا كەلدى

بۇعان دەيىن بەلگىلى بولعانداي، ليانيۋنگان - الماتى باعدارىنداعى تۇراقتى كونتەينەرلىك پويىز جياڭسۋ پروۆينتسياسىنان بيىلعى جىلعى اقپاننىڭ 25 ىنەن باستاپ شىعا باستاعان بولاتىن. جوبانى ىسكە قوسۋعا ەكى ەلدىڭ مەملەكەت باسشىلارى نۇرسۇلتان نازاربايەۆ پەن شي جينپيڭ قاتىسسا، ونىڭ دەلەگاتسياسى قۇرامىندا «ق ت ج» ۇ ك» ا ق باسشىسى اسقار مامين دە بولدى.

اتالمىش مەرزىمدە وسى باعدارمەن جيىرمادان استام كونتەينەرلىك پويىز ەكسپورتتىق جانە ترانزيتتىك جۇكتەرمەن وتكىزىلدى. جۇكتەردىڭ قاتارىندا قۇرىلىس ماتەريالدارى، ازىق-تۇلىك، ەلەكترونيكا، حيميالىق ونىمدەر بار.

قازاقستان ءۇشىن ليانيۋنگان پورتى ەلدىڭ ترانزيتتىك كولىكتىك الەۋەتىن ءتيىمدى دامىتاتىن شەتەلدەگى ستراتەگيالىق جەلىنىڭ ءبىرى بولىپ تابىلادى.

بۇل جوبا «قازاقستان - جاڭا جىبەك جولى» باعدارلاماسى مەن «نۇرلى جول» جاڭا ەكونوميكالىق ساياساتىنىڭ ءبىر بولشەگى بولىپ سانالادى.

بيىلعى جىلى ساۋىردە بىرلەسكەن ليانيۋنگان پورتىنان الماتى باعدارىنا اپتاسىنا ءۇش كونتەينەرلىك پويىز شىعارۋ كوزدەلىپ وتىر. 2015-جىلدىڭ اياعىنا دەيىن ليانيۋنگان-الماتى كونتەينەرلىك پويىزى جۇزەگە جەتەدى دەگەن بولجام بار.

قازاقستان مەن قىتاي تەمىرجولشىلارى قوسىمشا جۇك اعىندارىن تارتۋ مەن تاسىمال كولەمىن ارتتىرۋ ماقساتىندا ءبىر رەتتىك تەمىرجول تاريفى جەڭىلدىگىن ۇسىنباق. بولاشاقتا كونتەينەرلىك پويىزدار اياسى كەڭەيىپ ورتالىق ازيا ەلدەرى مەن كاۆكاز، تۇركيا، يران، وڭتۇستىك ەۋروپا ەلدەرىنە قازاقستان اۋماعى ارقىلى ترانزيتتىك تاسىمالدى ۇلعايتاتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى