قوماقتى اقشا ۇسىنىلسا، كارل فروچ گەننادي گولوۆكينمەن شىعۋعا دايىن

بۇل تۋرالى GGG كومانداسىنىڭ ۆكونتاكتە-دەگى رەسمي پاراقشاسىندا حابارلاندى.

حيرن ناقتى سومانى ايتقان جوق، دەگەنمەن فروچ گروۋۆزبەن بولعان ءوزىنىڭ سوڭعى جەكپە-جەگىندە 13 ميلليون دوللار العان بولاتىن.

«ءبىز توم لەففلەرمەن وسى كەزدەسۋ جايىندا كوپ سويلەستىك. ەگەر PPV كورسەتىلىم قاتارىنان ەكى جەردە - انگليادا جانە ا ق ش- تا وتكىزىلگەن بولسا، مۇمكىن وسى جەكپە-جەكتى ۇيىمداستىرۋعا قاراجات جەتىپ تە قالار ەدى، - دەيدى حيرن Behind The Gloves كە بەرگەن سۇحباتىندا. - كەيدە ادامدار تۇسىنىڭكىرەمەيتىن سەكىلدى. «سىزدەر بۇل كەزدەسۋدى جانكۇيەرلەر ءۇشىن جاساۋلارىڭىز كەرەك»، دەپ ايتىپ جاتادى. كەشىرىڭىزدەر، ءبىراق ولاي بولمايدى. بۇل - وتە قاۋىپتى سپورت. كوپ جىلدار بويى ەڭبەك ەتىپ، تىرنەكتەپ اتاق-ابىرويىن جيناپ كەلگەن بوكسشىلاردىڭ ەشقايسىسى جاي عانا قاۋىپتى جەكپە-جەككە شىعا سالمايدى. ەگەر قاراجات قوماقتى بولسا، جەكپە-جەك ورىن الادى. كارل جۇدىرىقتاسۋعا دايىن، ءبىراق ول ۇلكەن گونوراردى قالايدى».

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى