الەم چەمپيوناتىندا قازاقستاندىقتار رەسەيلىكتەرمەن كۇش سىناسادى

رەسەي دوپتى حوككەي فەدەراتسياسىنىڭ سايتىنان الىنعان مالىمەتكە قاراعاندا، قازاقستان ۇلتتىق قۇراماسى «ەروفەي» ستاديونىنداعى العاشقى كەزدەسۋىن بۇگىن الەم چەمپيوندارى - رەسەيلىكتەرمەن وتكىزەدى. سودان كەيىن 30- ناۋرىزدا دۇنيە جۇزىلىك بەنديدىڭ تاعى ءبىر مىقتىسى - شۆەدتەرمەن ايدىنعا شىعادى. ال 31- ناۋرىزدا فيندەرمەن كۇش سىناسادى.

قازاقستاننىڭ ەڭبەك سىڭىرگەن جاتتىقتىرۋشىسى الەكسەي نيكيشوۆ باستاعان ماماندار باپتايتىن ەل قۇراماسىنىڭ ساپىندا ورال دوپتى حوككەيىنىڭ تۇلەكتەرى، قاقپاشى ءىلياس حايرەكەشيەۆ («ۋنيۆەرسال»، ساراتوۆ)، قورعاۋشى دەنيس ماكسيمەنكو («ستارت»، نيجنيي نوۆگورود)، شابۋىلشىلار راۋان يساليەۆ («سيبسەلماش»، ءنوۆوسىبىر)، ەسكەندىر نۇعمانوۆ («اقجايىق»، ورال)، لەونيد بەداريەۆتەر («ستارت»، نيجني نوۆگورود) ونەر كورسەتەدى.

ايتا كەتەيىك، قازاقستان ۇلتتىق قۇراماسى وسىعان دەيىن الەم چەمپيوناتىنىڭ ءتورت مارتە قولا جۇلدەگەرى، 2011-جىلى قىسقى ازيا ويىندارىنىڭ جەڭىمپازى اتانعان بولاتىن.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى