ەۋروپا چەمپيوناتىنا ىرىكتەۋ ماتچىندا رەسەي قاقپاشىسى اۋرۋحاناعا ءتۇستى

جاسىل الاڭدا وتكەن كەزدەسۋدى تورەشى 2 رەت توقتاتۋعا ءماجبۇر بولدى. الدىمەن ويىننىڭ العاشقى مينۋتىندا چەرنوگوريالىق جانكۇيەر رەسەي قۇراماسىنىڭ قاقپاشىسىنا جانعىش زات لاقتىردى. اۋرۋحاناعا تۇسكەن يگور اكينفەيەۆكە دارىگەرلەر: «موينىن كۇيىك شالىپ، ميى شايقالعان»، - دەگەن دياگنوز قويدى.

جانكۇيەردىڭ باسسىزدىعىنان كەيىن شامامەن جارتى ساعات وتكەن سوڭ، ويىن قايتا جالعاستى. ءبىراق كەزدەسۋدىڭ ەكىنشى تايمىندا ستاديوندا تاعى دا بۇلىك شىعىپ، ماتچ مۇلدە اياقتالدى. رەسەي فۋتبول وداعى وسىعان بايلانىستى ۋ ە ف ا- عا ءوزىنىڭ ارىزىن تاستادى.

ەندى حالىقارالىق ۇيىم ەرەجەلەرىنە ساي چەرنوگوريا قۇراماسىنا «تەحنيكالىق جەڭىلىس» دەگەن شەشىم شىعارىلۋى ءتيىس. سەبەبى بالقان ەلىندە وتكەن ويىندا ۇيىمداستىرۋشىلار قاۋىپسىزدىكتى قامتاماسىز ەتە العان جوق.

ww.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى