س ق و اكىمى قازاق ءتىلىن مەڭگەرگەن وزگە ۇلت وكىلدەرى جاستارىمەن كەزدەستى - فوتو
«ەلباسى نۇرسۇلتان ءابىش ۇلى نازاربايەۆ قازاقستاندىق پاتريوتيزمدى مەملەكەتتىك ءتىل ماسەلەسىمەن تىعىز بايلانىستىرادى.
قازاقتىڭ ۇلى اقىنى، جەرلەسىمىز م. جۇمابايەۆ: «ۇلت ءۇشىن تىلىنەن قىمبات ەش نارسە جوق»، دەگەن بولاتىن. بۇگىن وسى كەزدەسۋدە جاستارمەن بىرگە مەملەكەتتىك ءتىلدى ۇيرەنۋ، ونىڭ قولدانىلۋ اياسىن كەڭەيتۋ ماسەلەلەرىن تالقىلايىق»، - دەدى كەزدەسۋدى اشقان ءوڭىر باسشىسى ەرىك سۇلتانوۆ.
كەزدەسۋگە مەملەكەتتىك بىلدى مەڭگەرگەن وزگە ۇلت وكىلدەرى، جاستار ۇيىمدارىنىڭ قازاقستان حالقى اسسامبلەياسىنىڭ وكىلدەرى جينالعان. وبلىستىق تىلدەردى دامىتۋ باسقارماسىنىڭ باسشىسى كەمەل وسپانوۆتىڭ ايتۋىنشا، جىلدان-جىلعا مەملەكەتتىك تىلدە ءبىلىم بەرەتىن وقۋ ورىندارىنىڭ سانى ارتىپ كەلەدى. ۇستىمىزدەگى وقۋ جىلىندا وزگە ۇلتتىڭ 293 بالاسى قازاق سىنىپتارىندا ءبىلىم الىپ جاتىر. م. قوزىبايەۆ اتىنداعى س ق م ۋ تىلدەر جانە ادەبيەت ينستيتۋتىنىڭ قازاق ءبولىمىنىڭ 22 تۇلەگى - وزگە ۇلت وكىلدەرى.
ءسوز العان ورىس، ۋكراين، نەمىس، تاتار، كۋرد، ت. ب. ۇلت وكىلدەرى ءبىراۋىزدان ەلىمىزدە قاي ءتىلدى بولماسىن ۇيرەنۋگە جاعداي جاسالعاندىعىن اتاپ ءوتتى. ال مەملەكەتتىك ءتىلدى ءبىلۋ ولار ءۇشىن وقۋدا، ەڭبەكتە جەتىستىكتەرگە جەتۋگە ۇلكەن مۇمكىندىك بەرەتىندىگىن ايتتى.
وبلىس اكىمى كەزدەسۋدە قازاقستان حالقى اسسامبلەياسى جىلىنا وراي مەملەكەتتىك ءتىلدىڭ مارتەبەسىن كوتەرىپ، دارىپتەۋگە قوسقان ۇلەسى ءۇشىن بىرنەشە جاس ماماندى العىس حاتتارمەن ماراپاتتادى.
