قازاقتاردىڭ ەت جەگەنى شەتەلدىكتەردى تاڭ قالدىردى
«شەتەلدەن كەلگەن ازاماتتار قازاقتىڭ ۇلتتىق تاعامدارىنىڭ بار-جوعىنا قىزىعۋشىلىق تانىتتى. ءبىز سياقتى كوپتەگەن مەيرامحانالار سۇرانىسقا يە بولا المادى. سەبەبى، اسحانانىڭ كوبى ۇلتتىق تاعامدار نەگىزىندە جاسالماعان. ال شەتەلدەن كەلگەن ازاماتتار ەلىمىزدىڭ مادەنيەتى جانە داستارحانىمەن تانىسۋعا اسىق. ولار الدىمەن بەشبارماقتى سۇرايدى»، - دەيدى ول.
رەستوراتور ەلىمىزدەگى مەيرامحانالاردىڭ دەنى شىعىس ستيلىندە تاعام ازىرلەيتىنىن ايتقان.
«ناعىز قازاق مەيرامحانالارى جوق. كوبىسى شىعىس ستيلىندە تاعام ازىرلەيدى. ءبىراق بۇل قازاق مادەنيەتى ەمەس. ءبىز تۇركى جانە قازاق تاعامدارى دايىندالاتىن مەيرامحانا اشۋ تۋرالى ويلادىق. ءبىزدىڭ ەكى باعىتىمىز بار: تۇركى ەلدەرىنىڭ سالت-داستۇرلەرىن باياندايمىز جانە وسى تاقىرىپتا شارالار وتكىزەمىز»، - دەدى سامات ايتەنوۆ.
ونىڭ ايتۋىنشا، قازاقستاننىڭ ايماقتارىندا ەت تاعامىن (بەشبارماقتى) ءار ءتۇرلى دايىندايدى. سونىمەن قاتار، شەتەل ازاماتتارى قازاق حالقىمەن ەتەنە تانىسۋعا قىزىعۋشىلىق بىلدىرەدى.
ناعىز قازاق مەيرامحانالارى جوق. كوبىسى شىعىس ستيلىندە تاعام ازىرلەيدى. ءبىراق بۇل قازاق مادەنيەتى ەمەس.
«مەنىڭ ءبىر بايقاعانىم، شەت مەملەكەت تۇرعىندارى قازاق اسحانالارىمەن جاقىنىراق تانىسقىسى كەلەدى. ولار ءبىزدىڭ ەتتى كوپ جەيتىنىمىزگە تاڭ قالادى. وزگەلەرگە قازاقستان مادەنيەتى مەن اسحاناسى قاتتى ۇنايدى. ءبىراق بىزدە تۋريزم سالاسى ەندى دامۋدا. بىزگە الەمدىك ترەند كەشىگىپ جەتەتىنى امبەگە ايان. قازىرگى تاڭدا تۋريزمدى دامىتۋدا باستى نازار نەگە اۋدارىلۋ قاجەت، ءبىز سوعان قاراي جۇمىس ىستەۋدى جوسپارلاپ وتىرمىز. قازاق دەگەن كىم، ءبىز قالاي ءومىر سۇرەمىز، مىنە، شەتەلدىكتەر سونى بىلگىسى كەلەدى»، - دەدى ايتەنوۆ.
ونىڭ سوزىنشە، شەتەلدىكتەر قازاقستان جانە ونىڭ حالقى تۋرالى دۇرىس بىلە بەرمەيدى. سوندىقتان مىڭ رەت ەستىگەنشە، ءبىر رەت كوزبەن كەلىپ كورگەن الدەقايدا ءتيىمدى، دەيدى ول.
«الماتى تەلە ارناسى»
