پرەزيدەنت جانىنداعى ادام قۇقىقتارى جونىندەگى كوميسسيا ب ۇ ۇ ينستيتۋتتارىمەن سىندارلى ىنتىماقتاستىققا دايىن - ق. سۇلتانوۆ
بۇل تۋرالى ءماجىلىستىڭ باسپا ءسوز قىزمەتىنەن حابارلاندى.
كەزدەسۋ بارىسىندا تاراپتار ەكولوگيالىق قۇقىقتىڭ نەگىزگى پروبلەمالارى، سونداي-اق ۋلاندىرعىش جانە قاۋىپتى ونىمدەر مەن قالدىقتاردىڭ زاڭسىز تاسىمالى مەن كومىلۋىنىڭ ادام قۇقىقتارىنا كەرى اسەرىن زەرتتەۋ جاعدايىن تالقىلادى.
جۇزدەسۋدە كوميسسيا ءتوراعاسى قۋانىش سۇلتانوۆ ادام قۇقىقتارى جونىندەگى كوميسسيانىڭ قىزمەتى تۋرالى، كونستيتۋتسيادا، ق ر ەكولوگيالىق كودەكسىندە، ق ر ورنىقتى دامۋعا كوشۋدىڭ 2007-2024-جىلدارعا ارنالعان تۇجىرىمداماسىندا بەكىتىلگەن ازاماتتاردىڭ ەكولوگيالىق قۇقىقتارى تۋرالى ەگجەي-تەگجەيلى ايتىپ بەردى.
ءوز كەزەگىندە باسكۋت تۋنكاك ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ قۇقىق قورعاۋ قىزمەتىنە جوعارى باعا بەرىپ، الداعى جۇمىسىنا ساتتىلىك تىلەدى. سونىمەن قاتار، مارتەبەلى مەيمان قازاقستانعا ساپارىنىڭ قورىتىندىسى بويىنشا جينالعان اقپارات ب ۇ ۇ ادام قۇقىقتارى جونىندەگى كەڭەسىنە وتكىزەتىن ەسەبىندە باياندالاتىنىن جەتكىزدى.
اڭگىمە بارىسىندا ءماجىلىس دەپۋتاتى قۋانىش سۇلتانوۆ ب ۇ ۇ ارنايى بايانداماشىسىنا ادام قۇقىقتارىن قورعاۋ جانە كوتەرمەلەۋ سالاسىنداعى جۇمىسىنا العىس ءبىلدىرىپ، كوميسسيانىڭ ب ۇ ۇ ينستيتۋتتارىمەن ودان ءارى سىندارلى ىنتىماقتاستىققا دايىن ەكەندىگىن جەتكىزدى.
اۆتور: قانات مامەتقازى ۇلى
