نۇرلى جول باعدارلاماسىنان حالىقتىڭ كورەر يگىلىگى قانداي؟

«نۇرلى جول» باعدارلاماسى بويىنشا ازاماتتار جالدامالى تۇرعىن ءۇي الۋ مۇمكىندىگىنە يە. بۇل باعىتقا بيىلعى جىلى 92,5 ميلليارد تەڭگە ءبولىنىپ وتىر. جارتى ميلليون شارشى مەترگە جۋىق نەمەسە 10 مىڭ شاماسىندا پاتەر پايدالانۋعا بەرىلەدى. سونداي-اق، اكىمدىكتەر بويىنشا ۇلتتىق قور قارجىسىنا باسپانالار سالىنىپ جاتىر. بيىلعى جىلى 3200 پاتەر تاپسىرىلادى»، - دەدى ر. دالەنوۆ.

 مۇنىمەن قاتار، ۆيتسە- مينيستر اتاپ وتكەندەي، «نۇرلى جول» باعدارلاماسى بويىنشا ۇلتتىق قوردان بولىنگەن قارجىعا 34 مەكتەپ، 17 بالاباقشا سالىنادى، سونداي-اق، «بالاپان» باعدارلاماسى بويىنشا بالالاردىڭ ءتالىم الۋىن سۋبسيديالاۋعا 12 ميلليارد تەڭگە بولىنبەك.

«ال بيزنەس «نۇرلى جول» باعدارلاماسىنان قانداي پايدا كورەدى؟ شاعىن بيزنەس ارزان نەسيەگە قول جەتكىزەدى, كرەديت 6 پايىزدىق مولشەرلەمەمەن 10 جىلعا دەيىن بەرىلەدى. بۇل باعىت بويىنشا شاعىن جانە ورتا بيزنەسكە ۇلتتىق قوردان 50 ميلليارد تەڭگە ءبولىنىپ وتىر. وڭدەۋ سالاسىنداعى ىرى كاسىپورىندارعا دا 50 ميلليارد تەڭگە قاراستىرىلعان»، - دەدى ول.

«مۇنىمەن قاتار، ەكسپورتتاۋشىلاردى قولداۋعا 35 ميلليارد تەڭگە ءبولىندى. سۋبسيدياعا كەلسەك، باسىمدىق اگروونەركاسىپ كەشەنىنە بەرىلىپ وتىر. بۇل رەتتە قاراجاتتىڭ بىر بولىگى شارۋاشىلىقتاردىڭ بۇرىن العان نەسيەلەرىن ۇزارتۋعا، ساۋىقتىرۋعا باعىتتالادى»، - دەدى ر. دالەنوۆ.

ۆيتسە-ءمينيستردىڭ ايتۋىنشا، قارجى مينيسترلىگى ۇلتتىق قوردان بولىنگەن قاراجاتتىڭ ءتيىمدى جانە ماقساتقا ساي جۇمسالۋىن قاتاڭ باقىلايدى.

ايىمگۇل ابىلەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى