اقتوبەدە مۇگەدەك قىزدىڭ قايسارلىعى جۇرتتى تاڭقالدىردى

تۋعانىنان ارباعا تاڭىلعان تامينا قايىرىمدىلىق كونسەرتىن وتكىزىپ، تۇسكەن قارجىنى ءوزى سەكىلدى دەرتكە شالدىققان بەس جاسار بۇلدىرشىنگە تابىستادى.

ومىرتقاسى تۋا ءبىتتى اۋرۋعا شالدىققان تامينانىڭ قايسارلىعى ون ەكى مۇشەسى تۇگەل كورەرمەندى ءتانتتى ەتتى.

اناسى ءسابي كەزىنەن ارباعا تاڭىلعان قىزىنىڭ، قينالسا دا، بالا بولىپ ەشقاشان مۇڭايعانىن كورسەتپەگەنىن ايتادى. ءان شىرقاعاندا اۋرۋىنان جازىلىپ، قانات بىتكەندەي بولادى ەكەن.

ال ءسال قوزعالسا سۇيەگى سىنا بەرەتىن الەكسەيدىڭ جاعدايىن ەستىگەندە تامينا وعان كومەكتەسكىسى كەلىپتى. جاقىندارىنىڭ كومەگىمەن قايىرىمدىلىق كونسەرتىن وتكىزىپ، تۇسكەن اقشانى مۇگەدەك بالانىڭ اناسىنىڭ قولىنا تابىستادى.

جەتى جاسار ءانشىنىڭ الدا تاعى وسىنداي بىرنەشە كونسەرت بەرۋ ويىندا بار.

«اياپ كەتتىم. سوسىن وعان كومەكتەسۋ كەرەك شىعار دەپ ويلادىم. سودان وسىندا كومەكتەسۋگە كەلدىم. كونسەرتتەن جيناعان اقشامدى ءاربىر بالاعا بەرەمىن»، - دەيدى جاس ءانشى تامينا ءاليمانوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى