زەرتتەۋ: تىم كوپ ۇيىقتايتىن ادامدار از ءومىر سۇرەدى
زەرتتەۋ مالىمەتتەرىنشە، سونداي-اق تاۋلىگىنە التى ساعاتتان كەم ۇيىقتايتىن ادامداردىڭ عۇمىرى دا تاۋلىگىنە جەتى ساعات ۇيىقتايتىنداردان قىسقا بولادى ەكەن. سونىمەن، دارىگەرلەر ەرەسەك ادام كۇنىنە جەتى ساعاتتان سەگىز ساعاتقا دەيىن ۇيىقتاۋى ءتيىس دەگەن توقتامعا كەلىپ وتىر.
ون جىل بويى ساراپشىلار ميلليونداعان ادامدارعا ولاردىڭ ۇيقىعا جۇمساعان ۋاقىتتارى تۋرالى ساۋالدار قويىپ كەلگەن. سونىڭ ناتيجەسىندە ۇزاق ۋاقىت ۇيىقتايتىن ادامداردىڭ كۇيزەلىسكە، قانت ديابەتىنە جانە جۇرەك اۋرۋلارىنا ۇشىرايتىنى دالەلدەنگەن.
ۋوريكس ۋنيۆەرسيتەتىنىڭ جۇرەك-قان تامىرى اۋرۋلارى بويىنشا مامانى فرانكو كاپپۋچيونىڭ ايتۋىنشا، ۇيقىعا كوبىرەك ۋاقىتىن بولەتىن جانداردىڭ اجال قۇشۋ ىقتيمالدىعى تاۋلىگىنە جەتى ساعات ۇيىقتايتىندارمەن سالىستىرعاندا، %30 عا جوعارى ەكەن.
