شىمكەنتتە اراق-شاراپ زاۋىتىنىڭ ديرەكتورى مەن قارجى پوليتسياسى قىزمەتكەرلەرىنەن قۇرالعان ۇيىمداسقان قىلمىستىق توپقا سوت ۇكىمى شىقتى

سوت ۇكىمى قىلمىستىق ىستەر بويىنشا مامانداندىرىلعان سوتتا جاريالاندى. سوتتالعاندار اراسىندا اراق- شاراپ زاۋىتىنىڭ ديرەكتورى، جەكە كاسىپكەر، «فيركان» بولشەك- كوتەرمە ساۋدا ورتالىعىنىڭ ەسەپشىسى مەن سالىق كوميتەتىنىڭ 7 بۇرىنعى قىزمەتكەرى بولدى.

«Vin House» ج ش س زاۋىتىندا ۇيىمداسقان قىلمىستىق توپ پايدا بولعان. ولار جاساندى اكتسيزدىك ماركامەن الكوگول ونىمدەرىن شىعارعان، ونى قازاقستاننىڭ باسقا وڭىرلەرىنە شىرىن دەگەن جەلەۋمەن تاراتىلىپ وتىرعان»، - دەيدى سۋديا ءابىنۇر قارابايەۆ.

قىلمىستىق ءىس مالىمەتتەرى بويىنشا ۇيىمداسقان قىلمىستىق توپ ارەكەتىنەن مەملەكەتكە 77 ميلليون تەڭگە كولەمىندە شىعىن كەلگەن.

«Vin House» زاۋىتىنىڭ ديرەكتورى 8,5 جىلعا باس بوستاندىعىنان ايىرىلدى. جاساندى اكسيزدەرى بار ءونىمدى وتكىزىپ بەرىپ وتىرعان ورالدىق جەكە كاسىپكەر 7 -جىلعا، ال «فيركان» ج ش س ەسەپشىسى 5 جىلعا سوتتالدى، الايدا ول جۇكتى بولۋىنا بايلانىستى جازاسىن كەيىن وتەيتىن بولدى. سونداي-اق ءوز مىندەتتەرىنە سالعىرت قاراعانى ءۇشىن 6 سالىق مامانىنىڭ ءبىر جىلعا باس بوستاندىقتارى شەكتەلدى. سالىق كوميتەتىنىڭ تاعى ءبىر بۇرىنعى قىزمەتكەرى 100 ا ە ك كولەمىندە ايىپپۇل تولەمەك.

سوتتالعاندار سوت ۇكىمىنە 15 كۇن ىشىندە شاعىمدانا الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى