پرەزيدەنت سايلاۋىندا ۇگىت-ناسيحات جۇمىستارىندا تىيىم سالىناتىن جايتتار جاريا ەتىلدى
«كانديداتتاردىڭ سەنىمدى وكىلى بولا تۇرىپ، ءوزىنىڭ قىزمەتىن پايدالانىپ، قاراماعىندا جۇمىس ىستەيتىن ازاماتتاردى ۇگىت جۇمىسىنا تارتۋعا تىيىم سالىنادى. ۇگىت جۇمىسى الدىندا سايلاۋشىلارمەن كەزدەسۋ بارىسىندا تەگىن تاۋارلار تاراتىپ، لوتورەيالار ويناتۋعا دا بولمايدى»، - دەدى ق ر و س ك حاتشىسى.
سونىمەن قاتار ونىڭ سوزىنە قاراعاندا، ۇگىت جۇمىسىن جۇرگىزگەن كەزدە كانديداتتار ءوزىنىڭ ۇگىت پلاكاتتارىندا ەلىمىزگە ەسىمى بەلگىلى ازاماتتاردىڭ سۋرەتىن ونىڭ كەلىسىمىمەن جاريا ەتۋى ءتيىس. كەلىسىمى بولماعان جاعدايدا مۇنداي پلاكاتتاردىڭ ىلىنۋىنە تىيىم سالىنادى.
«پلاكاتتى جاساعان كەزدە ونىڭ تومەن جاعىندا قانداي قاراجاتقا باستىرىلىپ، قانداي باسپادان شىعارىلعانى كورسەتىلۋى قاجەت. مۇنان بولەك، سايلاۋ كۇنىندە سايلاۋ ۋچاسكەسىنىڭ ىشىندە الەۋمەتتىك ساۋالناما جۇرگىزۋگە بولمايدى»، - دەدى ب. مەلدەشيەۆ.
اۆتور: مارلان جيەمباي
