قىرعىزستان پارلامەنتتىك سايلاۋدى وتكىزۋ كەزىندە ە ق ى ۇ- نىڭ قولداۋىن كۇتەدى - فوتو
بۇل تۋرالى قىرعىزستان باسشىسىنىڭ باسپا ءسوز قىزمەتىنەن حابارلادى.
«2015-جىلدىڭ كۇزىندە بىزدە پارلامەنتتىك سايلاۋ ءوتۋى ءتيىس. ءبىز ولاردى ماكسيمالدى تۇردە ءادىل وتكىزگىمىز كەلەدى. پارلامەنتىڭ كەيبىر دەپۋتاتتارى سايلاۋدى ەسكى ەرەجەلەر بويىنشا وتكىزبەكشى. ءبىز پارلامەنت سايلاۋىنىڭ ماكسيمالدى تۇردە ءادىل بولۋى ءۇشىن ولاردى جاڭا ەرەجەلەر بويىنشا، جاڭا جەتىستىكتەردى قولدانۋمەن وتكىزگىمىز كەلەدى. 2,5 جىلدان كەيىن ق ر- نىڭ جاڭا پرەزيدەنتىن سايلاۋ وتەدى، ونداعى اشىقتىق پەن ادىلدىكتىڭ ماڭىزى ودان دا ۇلكەن. ءسىزدىڭ كومەگىڭىزبەن بۇل سايلاۋدى لايىقتى وتكىزەمىز دەپ ويلايمىن»، - دەدى ا. اتامبايەۆ.
ءوز سوزىندە لامبەرتو زاننەر قىرعىزستاننىڭ دەموكراتيالىق ينستيتۋتتاردى دامىتۋداعى جەتىستىكتەرىن اتاپ ءوتىپ، ە ق ى ۇ- نىڭ پارلامەنت سايلاۋىنا دايىندىق جۇرگىزىپ، ونى وتكىزۋگە كومەكتەسۋگە دايار ەكەنىن ءبىلدىردى. سونىمەن بىرگە ە ق ى ۇ- نىڭ باس حاتشىسى وڭىردەگى جاعدايعا الاڭداۋشىلىعىن ءبىلدىرىپ ءوتتى.
«قىرعىزستان ازىرگە پروبلەمالارمەن قورشالعان جوق، - دەپ اتاپ ءوتتى ول، اۋعانستاندى مىسال رەتىندە كەلتىرىپ. - ارينە، ءبىز وڭىرلەرىڭىزدە شەتەلدىك ساربازداردىڭ جۇرگەنىنە الاڭداپ وتىرمىز. ءبىزدىڭ ەلدەرىڭىزبەن قارىم-قاتىناستارىمىز وتە جاقسى. مەن ءۇشىن بۇل كەزدەسۋ ديالوگتى جالعاستىرۋدىڭ مۇمكىندىگى بولىپ تابىلادى».
