ۇيلەنۋ تويىندا ەكى قىز قالىڭدىقتىڭ گۇل شوعىنا تالاسىپ قالدى - كەسكىن

قىزداردىڭ جاڭا ءداستۇر بويىنشا قالىڭدىقتىڭ گۇل شوعىن توسىپ الۋ ءراسىمى بەينەلەنگەن ۆيدەو Facebook الەۋمەتتىك جەلىسىندە 23- ناۋرىزدا جاريا بولدى. روليكتى جەلىگە سالعان قولدانۋشى مارات قىستاۋبايەۆ ونىڭ سيپاتتاماسىندا «گۇل شوعىنا وسىلاي تالاسۋ كەرەك!» دەپ جازدى.

ۆيدەودا لاقتىرىلعان گۇل شوعىنا ەكى قىزدىڭ تالاسقانىن كورۋگە بولادى. باستاپقىدا گۇل شوعى ەكى قىزدىڭ دا قولىنا بىردەي تۇسەدى، ءبىراق باقان تىرەس تارتىستان كەيىن قارا كويلەكتەگى قىز جەڭىسكە جەتەدى. ۆيدەو تارالعان ساتتەن باستاپ ءبىر كۇننىڭ ىشىندە 5 مىڭنان اسا كورىلىم جيناپ، قىزۋ تالقىعا ءتۇستى. پىكىر جازعانداردىڭ ءبىرقاتارى گۇلگە تالاسقان قىزداردىڭ جانكەشتىلىگىنە قايران قالسا، ەكىنشىلەرى مۇنىڭ جات قىلىق ەكەنىن ايتتى.

ايتا كەتەيىك، بۇل راسىمدە گۇلدى توسىپ العان قىز جاقىن ارادا تۇرمىسقا شىعادى دەگەن تۇسىنىك بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى