سولتۇستىك كورەيا: وباما نوبەل سىيلىعىن قايتارسىن

بۇل تۋرالى Rodong Sinmun سولتۇستىك كورەيالىق گازەتىنە سىلتەمە جاساي وتىرىپ UPI اگەنتتىگى حابارلادى. باسىلىم باراك وبامانى ب ۇ ۇ- نىڭ يادرولىق قارۋسىزدانۋ جونىندەگى كەلىسىمىن بۇزدى دەپ ايىپتادى.

اتاپ ايتقاندا، اق ءۇي باسشىسى بيىلعى ناۋرىزدىڭ باسىندا ب ۇ ۇ يادرولىق قارۋ كەلىسىمىنىڭ 45 جىلدىق مەرەيتويىندا سولتۇستىك كورەيانىڭ يادرولىق باعدارلاماسىن قارۋسىزدانۋعا شاقىرعان مالىمدەمەسىن جاريالاعان بولاتىن.

سولتۇستىك كورەيا اقپارات قۇرالدارىنىڭ مالىمەتى بويىنشا، بۇگىنگى كۇنى ا ق ش- تا 2 مىڭ 900 يادرولىق وقتۇمسىق بار. «بۇل دەگەنىمىز -  ناعىز ساندىراق ءارى ەكىجۇزدىلىك. ادامگەرشىلىككە جاسالعان قاستاندىق. وسىنشاما قاۋىپتى قارۋ قورىمەن ا ق ش يادرولىق سوعىسقا دايىندالىپ جاتىر» دەپ جازدى Rodong Sinmun.

باسىلىم سونداي-اق ب ۇ ۇ كەلىسىمىنە سايكەس، 2021 - جىلعا قاراي ا ق ش پەن رەسەي وزدەرىنىڭ يادرولىق وقتۇمسىقتارىنىڭ تەڭ جارتىسىنان ارىلۋى قاجەتتىگىن دە اتاپ وتكەن. «باراك وباما ءبىر كەزدەرى بەيبىتشىلىككە قوسقان ۇلەسى ءۇشىن ەنشىلەگەن نوبەل سىيلىعىن كەرى قايتارسا، بۇل ونىڭ جالعان اقماقتىقتى جەڭۋ جولىندا جاساعان جاقسى قادامى بولار ەدى» دەپ كەلتىرەدى سولتۇستىك كورەيالىق ب ا ق.

اۆتورى: جىگەر سارسەن

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى