ۇلى بريتانيادا پلاستيكالىق اقشالار اينالىمعا ءتۇستى

بەس فۋنتتىق كۋپيۋرالاردى ءوز بانكنوتتارىن شىعارۋعا قۇقىلى جەرگىلىكتى Clydesdale كوممەرتسيالىق بانكى باسىپ شىعاردى، دەپ حابارلادى لەنتا. ر ۋ.

بارلىعى ەكى ميلليونعا جۋىق وسىنداي كۋپيۋرالاردى شىعارۋ جوسپارلانۋدا. پلاستيكالىق اقشالاردى شىعارۋ فەرت- وف- فورت شىعاناعى ارقىلى وتەتىن كوپىردىڭ 125 جىلدىعىنا ورايلاستىرىلىپ وتىر. بانكنوتتا وسى قۇرىلىستى سالعان ينجەنەر ۋيليام اررول بەينەلەنگەن.

2016 - جىلى پوليمەر ماتەريالدارىنان جاسالعان اقشا انگليادا اينالىمعا تۇسەدى. 2013 - جىلعى جەلتوقساندا بەس فۋنتتىق بانكنوتتا ۇلىبريتانيانىڭ بۇرىنعى پرەمەر-ءمينيسترى ۋينستون چەرچيلل، ال 10 فۋنتتىق كۋپيۋرادا - جازۋشى دجەيمس وستين بەينەلەدى، دەپ حابارلانعان بولاتىن.

العاشقى پلاستيكالىق بانكنوتتار 1980 - جىلداردىڭ سوڭىندا اۆستراليادا شىعارىلعان بولاتىن. قازىرگى كەزدە مۇنداي اقشالار يزرايل، جاڭا زەلانديا، كانادا جانە قىتاي سياقتى 20 دان استام ەلدەردە قولدانىلادى.

پوليمەر ماتەريالدارىنان جاسالعان كۋپيۋرالار قاعاز اقشالاردان قىمبات، ءبىراق تا ىلعال مەن كىردىڭ اسەرىنە ۇشىرامايتىندىقتان 2,5 ەسە ۇزاق قىزمەت ەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى