ساۋساق تاڭبالارىن قاشىقتان تۇسىرەتىن پريبور ويلاپ تابىلدى
«سوت گيپەرسپەكترالدى پروەكتورى» دەگەن اتاۋعا يە بولعان پريبور قاشىقتان كەز كەلگەن زاتتان ادام ساۋساعىنىڭ ىزدەرىن ەسەپتەپ شىعارا الادى، دەپ حابارلادى ر ي ا نوۆوستي. پريبور جاسىل ءتۇستى لازەر ساۋلەسىن زاتقا باعىتتايدى جانە وندا قالعان ساۋساقتار مەن الاقان تاڭبالارىنداعى مايلار مەن بەلوكتاردىڭ ۇساق ىزدەرىنىڭ بەينەسىن جاساپ شىعارادى.
اپپاراتتا بەينەنى الۋعا ءبىر مينۋت قانا ۋاقىت كەتەدى.
سونىمەن بىرگە، ونىڭ كومەگىمەن ساۋساقتار مەن الاقان جۇمىلسا دا تاڭبانىڭ انىق بەينەسىن الۋعا بولادى. وسى كەزگە دەيىن مۇنداي جايتقا سوت مەديتسينالىق ساراپشىلاردى قول جەتكىزە الماعان بولاتىن. پروەكتورداعى «كوپقاباتتى» تاڭبانىڭ دالدىگى 70 پايىزدان اسادى.
اپپاراتتى جاساۋعا جەردى قاشىقتان زوندتاۋدا قولدانىلاتىن عارىشتىق تەحنولوگيا پايدالانىلدى.
عالىمدار ەندى ەكى جىلدىڭ ىشىندە پريبور كريميناليستيكادا كەڭىنەن قولدانىلادى دەپ سانايدى. پريبوردى قىلمىس جاسالعان جەردە قولدانۋ قىسقا مەرزىمدە ينتەرنەت ارقىلى ءتۇسىرىلىمدى مالىمەتتەر بازاسىنا ەنگىزۋگە جانە ونى پوليتسيانىڭ قولىندا بار تاڭبالارمەن سالىستىرۋعا مۇمكىندىك بەرەدى.
بولاشاقتا زاتتاعى ساۋساقتار تاڭباسى عانا ەمەس، جاسۋشا تۋرالى بولماشى اقپاراتتىڭ ءوزىن د ن ك تالداماسى ءۇشىن دە قولدانۋعا بولادى.
