رەسەي ەلشىسى دانيانى يادرولىق قارۋمەن قورقىتتى
«ەگەر دانيا رەسپۋبليكاسى ناتو-نىڭ انتيراكەتالىق قورعانىس جۇيەسىنە وتەتىن بولسا، ر ف يادرولىق قارۋ قولدانۋى مۇمكىن. مەن دانيا ر ف يادرولىق قارۋىنىڭ كۇشىن، ونىڭ دانياعا اكەلەتىن زاردابىن ءالى تولىق بىلمەيدى دەپ ەسەپتەيمىن. دانيا امەريكا باسقارىپ وتىرعان ناتو-نىڭ زىمىرانعا قارسى قورعانىس جۇيەسىنە كوشەتىن بولسا، ر ف ءوزىنىڭ يادرولىق قارۋ ساياساتىن قولدانۋى بەك مۇمكىن. قايتالاپ ايتام، ونداي جاعدايدا دات اسكەري كەمەلەرى رەسەيدىڭ يادرولىق زىمىراندارىنىڭ نىسانى بولىپ كەتۋى مۇمكىن»، - دەگەن رەسەيلىك ەلشى ۆانين.
ۆانيننىڭ ايتۋىنشا بۇل رەسەي فەدەراتسياسى مەن دانيا رەسپۋبليكاسىنىڭ قارىم-قاتىناسىنا ايتارلىقتاي كەرى اسەرىن تيگىزەدى. «بۇل ارينە، وزدەرىڭىزدىڭ قالاۋلارىڭىز. مەن، تەك ناتو-مەن بىرىگۋ سىزدەر ءۇشىن ۇلكەن شىعىن ءارى مەملەكەتتىك قاۋىپسىزدىكتەرىڭىزدەن ايىرىلاتىندارىڭىزدى ەسكەرتكىم كەلەدى»، - دەگەن ديپلومات سۇحباتىندا. رەسەيلىك ەلشىنىڭ بۇل مالىمدەمەسى دات رەسپۋبليكاسىنىڭ ءبىرقاتار ساياساتكەرلەرىنىڭ نارازىلىعىن تۋدىرعان.
اتالمىش مالىمدەمەدەن سوڭ دانيا س ءى م مارتين ليدەگاارد «بۇل ءىستى ۋشىقتىرماۋ كەرەك جانە بىلىكتى ساياساتكەر ءار سوزىنە جاۋاپ بەرۋى ءتيىس. ەگەر وسى مالىمدەمەسى ارقىلى ءبىزدى قورقىتىپ وتىرسا، بۇل تىنىش جابىلا سالاتىن ءىس ەمەس. ول جاۋاپ بەرەتىن بولادى. ناتو-نىڭ انتيراكەتالىق قورعانىس جۇيەسى الەمدەگى ەڭ مىقتى قورعانىس جۇيەسى ەكەنىن رەسەي جاقسى بىلەدى. بۇل رەسەيگە قارسى جاسالىنىپ وتىرعان جوق جانە ءبىز شابۋىل جاسامايمىز. تەك قورعانامىز»، - دەگەن تۇسىنىكتەمە بەرگەن.
نۇرزات توعجان
«قامشى»
