سمارتفون قولدانعان جاياۋ جۇرگىنشىلەرگە دە ايىپپۇل سالىنۋى مۇمكىن
قاۋىمداستىق وكىلدەرىنىڭ پىكىرىنشە، اتالعان اپپاراتتاردى قولدانۋ قايعىلى وقيعالار قاۋپىن وسىرەدى، دەپ حابارلايدى Euromag.
جاياۋ جۇرگىنشىلەردىڭ ۇلتتىق قاۋىمداستىعى (FUSS) كولىكتى باسقارۋ كەزىندە تەلەفونمەن سويلەسكەن جۇرگىزۋشىلەرگە ايىپپۇل سالعان سوڭ كولىكتەر كوپ جۇرەتىن جەرلەردە سمارتفونعا قاراپ، قۇلاق قاپپەن جۇرگەن ادامدارعا قاتىستى حاتتامالار تولتىرۋدى ۇسىنعان.
ءجۇرىس كەزىندە موبيلدىك قۇرىلعىلاردى قولدانۋ ادامنىڭ ىقىلاس اۋدارۋىن تومەندەتەدى، دەپ سەندىرۋدە بەرليندەگى قاۋىمداستىق. بۇدان باسقا، FUSS وكىلدەرى سوڭعى ۋاقىتتا سمارتفونداردى ءجۇرىس كەزىندە قولداناتىن جاياۋ جۇرگىنشىلەردىڭ قاتىسۋىمەن بولعان جول اپاتتارى سانىنىڭ ءوسۋىن كورسەتىپ وتىرعان زەرتتەۋلەردىڭ مالىمەتتەرىن ۇسىنۋدا.
