استانادا ايگىلى يتالياندىق ءانشى ونەر كورسەتەدى

ايگىلى اقىن گابريەلە د'اننۋنتسيونىڭ ۇرپاعى بولىپ تابىلاتىن يتالياندىق سوپرانو دوناتا د'اننۋنتسيو لومباردي ەۋروپادا اسا تانىمال. ءانشىنى پۋچچينيدىڭ وپەرالارىن ورىندايتىنداردىڭ ىشىندە ۇزدىك سوپرانو دەپ اتايدى.

دوناتا وففەنباحتىڭ «اسەم ەلەناعا» وپەراسىندا ەلەنا، كالماننىڭ «چيكاگودان كەلگەن گەرتسوگينيا» وپەرەتتاسىندا مەري للويد جانە ۆ. رانزاتونىڭ «Cin Ci La» وپەرەتتاسىندا اتتاس رولدەردى اسقان شەبەرلىكپەن ورىنداۋمەن اتاعى شىققان. ول الەمنىڭ ەڭ ايتۋلى ساحنالارى: لا سكالا، تۋريندەگى رەدجيو، پالەرموداعى ماسسيمو تەاترى، ارەنا دي ۆەرونا، پارمانىڭ كورولدىك تەاترى، فيرەنتسە قالالىق تەاترى، نەاپولدەگى سان-كارلو تەاترى جانە ت. ب. ونەر كورسەتكەن.

«بوگەما» وپەراسىنىڭ قويۋشى ديريجەرى - ق ر ەڭبەك سىڭىرگەن قايراتكەرى ابزال مۇحيتدينوۆ، قويۋشى رەجيسسەرى - رەسەيدىڭ حالىق ءارتىسى يۋري الەكساندروۆ. رۋدولفتىڭ پارتياسىن «استانا وپەرا» تەاترىنىڭ جەتەكشى ءسوليستى مەدەت شوتابايەۆ (تەنور) شىرقايدى. وسى كەشتە ديريجەرلىق تىزگىن دجۋزەپپە اكۋاۆيۆادا (يتاليا) بولادى.

كومپوزيتور وپەرانى انري ميۋرجەنىڭ «بوگەمانىڭ ومىرىنەن كورىنىس» اتتى ايگىلى فرانسۋزدىق رومانىنىڭ جەلىسى بويىنشا جازعان. وپەرا 4 بولىمنەن تۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى