اتامبايەۆ: پرەزيدەنتىمىز نازاربايەۆ بولعاندا، ءبارى باسقاشا شىعار ەدى
بۇل تۋرالى وزبەكستاننىڭ CA- NEWS پورتالى حابارلادى.
«مەن ءبىرىنشى كەزەكتە قازاقستان پرەزيدەنتىنە العىس سەزىمىمدى جەتكىزگىم كەلەدى. ونىمەن ءاربىر كەزدەسكەن سايىن اقساقالدىڭ تەك قازاقستان حالقى ءۇشىن عانا ەمەس، سونىمەن قاتار، قىرعىزستان مەن ءبىزدىڭ جۇرتىمىزعا دا ايرىقشا جانى اشيتىنىنا كوز جەتكىزە تۇسەمىن.
مۇنداي ليدەرلەر تىم از. جاقىندا قازاقستاندا سايلاۋ وتەدى، ال نازاربايەۆ سەكىلدى باسشىنى تابۋ وتە قيىن. مۇنداي باسشىسىنىڭ بولعانىن تەك قازاقستان عانا ەمەس، باسقا كەز كەلگەن حالىق تا قالاعان بولار ەدى»، - دەپ ويىن تارقاتىپ ايتتى قىرعىزستان پرەزيدەنتى ءبىلىم مەكەنىنىڭ اشىلۋى راسىمىندە سويلەگەن سوزىندە.
«مەن ەگەر سول كەزدەرى اقايەۆ پەن باكيەۆتىڭ ورىندارىندا ءبىزدىڭ پرەزيدەنتىمىز نازاربايەۆ بولعاندا، جاعدايىمىزدىڭ مۇلدەم باسقاشا قالىپتاساتىنى تۋرالى تالاي مارتە ويلاندىم، بۇل ويىمدى ول كىسىنىڭ وزىنە دە ايتتىم. مەن قازاق حالقى مەنىڭ وسى سوزدەرىمدى ەسكەرە وتىرىپ، وعان تاعى دا قولداۋ بىلدىرەدى عوي دەپ ويلايمىن. مەن ۇدايى ونىمەن كەڭەسىپ، كەڭەس الىپ تۇرامىن. قۇداي وعان قۋات بەرسىن، سوندا قازاقستان حالقىنا تۇگەل جاقسى جول اشىلادى»، - دەپ اتاپ ءوتتى ول جيىندا.
«ەگەمەن قازاقستان»
