سولتۇستىك قازاقستاندا ناۋرىز مەرەكەسىنە ءۇش مەترلىك ءبالىش ازىرلەدى - فوتو
عاسىرلار بويى حالىقتىڭ رۋحاني ۇلىلىعىن بەينەلەي وتىرىپ، بۇل جارقىن مەرەكە ۋاقىت پەن ۇرپاقتار ساباقتاستىعىنىڭ اجىراماس بىرلىگىن كورسەتۋدە، دەپ اتاپ ءوتتى ءوز سوزىندە ءوڭىر باسشىسى.
«ناۋرىز مەيرامى ءبىزدىڭ تاۋەلسىزدىگىمەن بىرگە قايتا ورالىپ، شىن مانىندەگى جالپى حالىقتىق مەرەكەگە اينالدى. قازاقستان حالقىنىڭ توپتاسقاندىعى مەن تاعاتتىلىعىنىڭ ارقاسىندا جوعارى ماقساتتارى مەن كەلەلى ىستەردى جۇزەگە اسىرىپ جاتقان بەرىك جانە گۇلدەنگەن مەملەكەتكە اينالدى»، - دەدى ەرىك سۇلتانوۆ.
س. مۇقانوۆ اتىنداعى وبلىستىق مۋزىكالى- دراما تەاترى مەن ن. پوگودين اتىنداعى ورىس دراما تەاترىنىڭ ارتىستەرى تەاترلاندىرىلعان قويىلىم ازىرلەدى. مەرەكەلىك كوشەدە تىگىلگەن ەتنواۋىل وعان جينالعان جۇرتشىلىققا جاقسى كوڭىل- كۇي سىيلادى. مۇندا قوناقتاردى شىرقالعان انمەن جانە باۋىرساقپەن قارسى الدى. ءوڭىر باسشىسى ەرىك سۇلتانوۆ وسىنداي كيىز ۇيلەردىڭ بىرىندە بولدى.
قوناقتاردى مامليۋت اۋدانىنىڭ كيىز ءۇيى دە قوناقجايلىقپەن قارسىلادى. تاتاردىڭ ۇلتتىق تاعامى - ءۇش مەترلىك ءبالىشتى كەسۋ قۇرمەتى ەرىك سۇلتانوۆقا بەرىلدى.
دوستىق ءۇيى جانىنداعى الاڭدا وبلىستىڭ ەتنومادەني ورتالىقتارى مەن قوعامدىق بىرلەستىكتەرىنىڭ وكىلدەرى قوناقتاردى ۇلتتىق تاعامدارمەن جانە انمەن قارسى الدى. سولتۇستىك قازاقستان وبلىسىندا بۇگىندە 100 دەن اسا ۇلت وكىلدەرى تاتۋ- ءتاتتى ءومىر ءسۇرىپ جاتىر، ولار وزدەرىنىڭ ءتىلى مەن مادەنيەتىن ساقتاۋدا، داستۇرلەرىن جاڭعىرتۋدا. ءاربىر دياسپورا ءوڭىر باسشىسى ەرىك سۇلتانوۆتى وزدەرىنىڭ باي مادەنيەتىمەن تانىستىرىپ، ۇلتتىق تاعامداردان ءدام تاتىردى.
