استانادا «باتىر ارۋلار» بايقاۋىنا قاتىسۋشىلار ەرەكشە اكتسيا وتكىزدى - فوتو
«مەگا استانا» ساۋدا ويىن- ساۋىق ورتالىعىنىڭ ەكىنشى قاباتىندا باتىر ارۋلارىمىز استانالىقتاردى ناۋرىز مەيرامىمەن قۇتتىقتادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
ءداستۇر بويىنشا بۇل كۇنى ءار ۇيدە مەرەكەلىك داستارحان جايىلادى. «باتىر ارۋلار» بايقاۋىنا قاتىسۋشىلار مەرەكەلىك ءداستۇردى ساقتاي وتىرىپ، ساۋدا ويىن- ساۋىق ورتالىعىنا كەلۋشىلەرگە باۋىرساق جانە باسقا دا ۇلتتىق تاعامداردان ءدام ۇسىندى. سونداي- اق ق ر قارۋلى كۇشتەردىڭ اتىنان ناۋرىز مەيرامىمەن قۇتتىقتاعان ەستەلىك حاتتارىن تاراتتى.
ەستەرىڭىزگە سالا كەتسەك، قازاقستان رەسپۋبليكاسى قورعانىس مينيسترلىگىنىڭ باستاماسى بويىنشا اسكەري قىزمەتشى قىز- كەلىنشەكتەر اراسىندا «باتىر ارۋلار» بايقاۋى وتكىزىلۋدە. ونىڭ اياسىندا داۋىس بەرۋ ناتيجەسى بويىنشا ق ر قارۋلى كۇشتەردىڭ كاسىبي تۇرىنە قاراي 12 ۇزدىك اسكەري قىز- كەلىنشەك انىقتالادى.
جەڭىمپازدار 2016 -جىلعا ارنالعان «باتىر ارۋلار» ارنايى كۇنتىزبەسىنە شىعارۋ ءۇشىن كاسىبي فوتوسەسسياعا قاتىسۋعا مۇمكىندىك الادى.
