بۋدديستەر تايلاند ۇكىمەتىنە ۇلتارالىق تاتۋلىقتى ساقتاۋدا قازاقستاندىق تاجىريبەنى قابىلداۋدى ۇسىندى
كەزدەسۋ بارىسىندا بۋدديستەر ۋنيۆەرسيتەتىنىڭ رەكتورى ەلباسى ن. نازاربايەۆتىڭ ءسوزسىز ەڭبەگى مەن حالىقتىڭ ونىڭ جۇرگىزىپ وتىرعان ساياساتىنا تەرەڭ سەنىمىنە نەگىزدەلگەن قازاقستاننىڭ ەتنوارالىق جانە ۇلتارالىق كەلىسىم سالاسىنداعى جەتىستىكتەرىن جوعارى باعالادى.
تايلاندتىڭ بۋدديزم وكىلدەرى ق ر پرەزيدەنتىنىڭ باستاماسى بويىنشا ۇيىمداستىرىلعان استانادا وتەتىن الەمدىك جانە ءداستۇرلى دىندەر كوشباسشىلارى سەزى جۇمىسىنا ۇنەمى قاتىسادى. رەكتوردىڭ پىكىرى بويىنشا، قازاقستاننىڭ ەتنوارالىق تۇراقتىلىعى مەن توزىمدىلىگى كوپتەگەن ەلدەر ءۇشىن ايقىن ۇلگى بولىپ تابىلادى.
قازاقستاندىق ديپلومات رەكتوردى 2015-جىلدىڭ مەرەيتويلىق كۇندەرى - ق ر كونستيتۋتسياسىنىڭ 20 جىلدىعى جانە ق ر پرەزيدەنتىنىڭ باستاماسىمەن قۇرىلعان قازاقستان حالقى اسسامبلەياسىنىڭ 20 جىلدىعى تۋرالى حاباردار ەتتى. سونىمەن قاتار، ەلشى ەلباسىنىڭ «نۇرلى جول - بولاشاققا باستار جول» اتتى قازاقستان حالقىنا جولداۋىنىڭ ارقاۋى بارلىق ۇلت، مادەنيەت پەن كونفەسسيالاردىڭ اۋىزبىرلىگى مەن شوعىرلانۋىنا نەگىزدەلگەن كوپۇلتتى مەملەكەتىمىزدىڭ ءارى قاراي دەموكراتيالىق دامۋى ەكەندىگىن اتاپ ءوتتى.
قازاقستان مەن تايلاند ءدىنارالىق جانە مادەنيەتارالىق ديالوگتى دامىتۋ سالاسىنداعى ىنتىماقتاستىققا زور ءمان بەرەدى.
ماحاچۋلالونگكورنرادجاۆيديالايا ۋنيۆەرسيتەتىنىڭ رەكتورى قازاقستاننىڭ جۇرگىزىپ وتىرعان ساياساتىن اتاپ ءوتىپ، تايلاند ۇكىمەتىنە ءتۇرلى كونفەسسيا وكىلدەرى اراسىندا بەيبىتشىلىك پەن كەلىسىمدى قامتاماسىز ەتۋ جانە ءوزارا تۇسىنىستىك احۋالىن ساقتاۋداعى قازاقستاندىق تاجىريبەنى قابىلداۋدى ۇسىندى.
اتالعان سالاداعى ءوزارا مۇددەلەردى ءارى قاراي ىلگەرىلەتۋ ماقساتىندا پ. براحمپۋنديتكە ق ر پارلامەنتى سەناتىنىڭ سپيكەرى - سەز حاتشىلىعىنىڭ ءتوراعاسى قاسىم-جومارت توقايەۆ اتىنان 10-11- ماۋسىمدا استانادا وتەتىن الەمدىك جانە ءداستۇرلى دىندەر ليدەرلەرىنىڭ V سەزىنە قاتىسۋ ءۇشىن رەسمي شاقىرۋ حاتىن تاپسىردى.
