ءبىر ميلليون ەۋروعا باعالانعان تۋىندى

 ادامزات بالاسى تابيعاتپەن ۇندەسۋى ءتيىس دەگەن قاعيدانى ۇستانعان ساۋلەتشى بۇل جوباعا (ۇيىنە) Water Nest 100 دەگەن اتاۋ بەرىپتى. بۇل اتاۋ "سۋ ۇستىندەگى ۇيا" دەگەن ماعىنانى بىلدىرەدى. "ەڭبەگىنە قاراي ونبەگى" دەمەكشى، يتاليالىق اۆتوردىڭ سۋ بەتىندە قالقىپ تۇراتىن مىنا عاجايىپ تۋىندىسى ءبىر ميلليون ەۋروعا باعالانعان ەكەن.
جانە بۇل "سۋ ۇستىندەگى ۇيا" باسقا ۇيلەردەن پىشىنىمەن عانا ەمەس، قۇرىلىمىمەن دە ەرەكشە. ءۇي شاتىردا ورنالاسقان جىلۋ پانەلدەرى ارقىلى كۇن كوزىنەن قۋات الادى. سونداي- اق، ساۋلەتشى: "ەدەندەردىڭ استىندا جانە ءۇيدىڭ توبەسىندە كىشكەنتاي اۋا وتكىزگىشتەر ورناتىلعان. ولار ءۇيدى تازا اۋامەن قامتاماسىز ەتەدى. جانە ءۇي ىشىندەگى تەمپەراتۋرانى ءبىرقالىپتى ۇستاپ تۇرادى. ال ەگەر بۇل اۋا وتكىزگىشتەردىڭ قۋاتى جەتپەسە، ارنايى ورناتىلعان جىلۋ قوندىرعىلارى مەن سالقىنداتقىش ىسكە قوسىلادى"، - دەيدى. ولاي بولسا، ءبىر ميلليون ەۋروعا باعالانعان ءۇيدىڭ ءىشىن بىرگە ارالاپ شىعايىق.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى