اقتاۋ مەن ماحاچكالا باۋىرلاس قالالار اتاندى - فوتو
«قوناقتاردىڭ ءاز-ناۋرىز قارساڭىندا كەلۋى - ەكى قالا ءۇشىن دە تاريحي وقيعا. قازىر اقتاۋدا 4 مىڭنىڭ ۇستىندە داعىستاندىق ءومىر ءسۇرىپ جاتىر. ولاردىڭ كوپشىلىگى قالا ومىرىنە بەلسەندى ارالاسىپ كەلەدى. ۇلتارالىق كەلىسىمدى نىعايتۋعا ۇلەسىن قوسىپ، ءبىلىم بەرۋ، مادەنيەت، سپورت جانە ت. ب. سالالاردا لايىقتى ەڭبەك ەتىپ وتىر»، - دەدى اقتاۋ قالاسىنىڭ اكىمى.
ەسكە سالساق، وتكەن جىلى ماۋسىم ايىندا ەدىل جاڭبىرشين ماحاچكالاعا رەسمي ساپارمەن بارىپ، قالا اكىمىنىڭ مىندەتىن اتقارۋشى ماگومەد سۋلەيمانوۆپەن كەزدەسكەن بولاتىن. كەزدەسۋدە ەكى قالا اراسىنداعى ىنتىماقتاستىقتى نىعايتۋ ماسەلەلەرى قوزعالعان. كەيىننەن 2014-جىلعى 27- تامىزىندا بۇكىل الەمدىك مۇرا قالالارىنىڭ VII حالىقارالىق كونفەرەنتسياسى بارىسىندا ماحاچكالا جانە اقتاۋ اراسىنداعى دوستىق پەن ىنتىماقتاستىق تۋرالى كەلىسىم جاساسۋ ءۇشىن ەكىجاقتى حاتتاماعا قول قويىلدى. مۇنداي كەلىسىمدەر رەسەيدىڭ ۆولگوگراد، ورىنبور، سامارا جانە يشيمباي (باشقۇرتستان) قالالارىمەن دە ورناتىلدى.
