قىتايدا ش ى ۇ حاتشىلىعىندا «استانا» زالى اشىلدى - فوتو، كەسكىن
ناقتىراق ايتقاندا، ايتۋلى شاراعا اتالعان ۇيىمنىڭ باسشىلىعى مەن شتاب- پاتەردەگى قىزمەتكەرلەر، ەلشىلەر، ش ى ۇ- عا مۇشە مەملەكەتتەردىڭ تۇراقتى وكىلدەرى، ق ح ر- داعى قازاق ستۋدەنتتەرى، جۋرناليستەر جينالدى.
كونفەرەنسيا زالىنىڭ اشىلۋىندا ءداستۇرلى قىزىل لەنتانى قازاقستاننىڭ ق ح ر- داعى ەلشىسى شاحرات نۇرىشيەۆ، ش ى ۇ باس حاتشىسى دميتري مەزەنسيەۆ قيدى.
ەسكە سالا كەتەيىك، اتالعان عيمارات ق ح ر ۇكىمەتى تاراپىنان 2012 - جىلى پايدالانۋعا بەرىلگەن. ش ى ۇ حاتشىلىعى وعان 2014 - جىلدىڭ ءساۋىر ايىندا قونىستانعان بولاتىن. ۇيىمعا مۇشە ەلدەر باسشىلارىنىڭ ۇسىنىسى بويىنشا، حاتشىلىق عيماراتىنداعى كونفەرەنسيا زالدارىن «استانا»، «بەيجىڭ»، «ماسكەۋ»، «بىشكەك»، «تاشكەنت» دەپ اتاپ، ۇلتتىق ناقىشتا بەزەندىرۋ ماسەلەسى كوتەرىلگەن.
قازىرگى ۋاقىتتا «بەيجىڭ» زالى جابدىقتالىپ، «بىشكەك» پەن «تاشكەنت» زالدارىنداعى جوندەۋ جۇمىستارى اياقتالۋعا جاقىن قالدى. سونىمەن قاتار عيماراتتا قازاقستاننىڭ تۇراقتى وكىلدىگى ءۇشىن ارنايى بولمە بەرىلگەن.
