تالدىقورعاندا مەرەكە قارساڭىندا اعاش كوشەتتەرى وتىرعىزىلۋدا
ءوڭىر تۇرعىندارى جاپپاي اعاش ەگۋدى قولعا الدى.
يگى شارا الدىمەن وبلىس ورتالىعى تالدىقورعان قالاسىنداعى «جاستار» ساياباعىندا باستالدى. ءبىر كۇندە بۇل ساياباققا 400 ءتۇپ اعاش كوشەتى وتىرعىزىلدى.
نەگىزىنەن «تيان- شان» تۇقىمداس جاسىل شىرشالار مەن قايىڭتۇقىمداس اعاشتار. بيىل جالپى ساياباقتا 5 مىڭ ءتۇپ اعاش وتىرعىزۋ جوسپارلانعان.
سونداي-اق ساياباق توڭىرەگىندەگى اۋماقتا بىرنەشە جاڭا نىسانداردىڭ قۇرىلىسى باستالىپ، اباتتاندىرۋ جۇمىستارى جۇرگىزىلۋدە. ءارى ويىن اتتراكتسيوندارى دا ورناتىلاتىن بولادى.
قالا تۇرعىندارىنىڭ دەمالىس ورنىن قايتا جاڭعىرتۋ جۇمىستارى بيىل تولىعىمەن اياقتالادى.
ساياباق قالانىڭ جاڭادان بوي كوتەرگەن وڭتۇستىك باتىس شاعىن اۋدانىندا ورنالاسقان. بۇل جەردە «قولجەتىمدى تۇرعىن ءۇي» باعدارلاماسى اياسىندا 6 مىڭنان استام تۇرعىنعا لايىقتالىپ جاڭا ۇيلەردىڭ ىرگەتاسى قالانۋدا. جاڭا شاعىناۋداندا جۋىق ارادا «كورمە» پاۆيلونى، «نەكە سارايى» مەن تەاتر سالىنباق.
www.24.kz
