قىدىرالى بولمانوۆ پەن قاراقات ءابىلدينا «قازاقستاندا جاسالعان» اكسياسىن قولدادى
قىدىرالى بولمانوۆ «بال-بالا» بالالار ويىنشىقتارىن شىعاراتىن العاشقى قازاقستاندىق كومپانيانىڭ اۆتورى جانە باسشىسى رەتىندە بەلگىلى.
«الەمدە ءبىزدىڭ ويىنشىقتاردىڭ انالوگى جوق. «بال-بالا - قازاقستان تاريحىنداعى العاشقى برەند. ول قازاقستاندا عانا ەمەس، الەمنىڭ باسقا ەلدەرىندە دە تانىلا باستادى. «قازاقستاندا جاسالعان» اكسياسى قازاقستاندىق بيزنەستى دامىتۋعا قوسىمشا مۇمكىندىك اشادى»، - دەدى ق. بولمانوۆ جۋرناليستەرگە بەرگەن سۇحباتىندا.
ەسكە سالساق، كومپانيا الدار كوسە، تازشا بالا، ەر توستىك سياقتى قازاق فولكلورىنىڭ كەيىپكەرلەرىنىڭ دە، ومىردە بولعان ادامداردىڭ دا پروتوتيپتەرىن ويىنشىق جەلىسىندە شىعارادى.
«بال-بالا» ويىنشىقتارىنىڭ باستى، بىرەگەي ەرەكشەلىكتەرى ولاردىڭ قازاقستاندىق نارىققا بەيىمدەلۋى. ويىنشىقتار ءبي بيلەيدى، ءان ايتادى، قازاق تىلىندە سويلەيدى. قازىر جەلىدە 17 اتاۋ بار، ونىڭ 11 ى جۇمساق ويىنشىقتار.
«قازاقستاندا جاسالعان» اكسياسىن ىسكە قوسۋ يدەياسى العاش رەت ۇكىمەتتىڭ كەڭەيتىلگەن وتىرىسىندا ايتىلعان، ق ر پرەزيدەنتى ن. نازاربايەۆ قازاقستاندىقتاردى وتاندىق ءونىمدى ساتىپ الۋعا شاقىردى.
