قايرات ءمامي باستاعان قازاقستاندىق سۋديالار دەلەگاتسياسى ب ا ءا- ىنە رەسمي ساپارمەن باردى
دەلەگاتسيا قۇرامىنا سولتۇستىك قازاقستان وبلىستىق سوتىنىڭ ءتوراعاسى م. اكەتاي، استانا قالاسىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ ءتوراعاسى ب. ەستاي جانە وڭتۇستىك قازاقستان وبلىسىنىڭ ازاماتتىق جانە اكىمشىلىك ىستەر جونىندەگى سوت القاسىنىڭ ءتوراعاسى م. بالكەن ەنگەن.
ساپار شەڭبەرىندە ق. ءمامي ب ا ءا فەدەرالدىك جوعارعى سوتىنىڭ ءتوراعاسى ابدەل ۋاحاب ابدۋلمەن، امىرلىك سوتتارىنىڭ باس ديرەكتورى تارىش ايد ءال-مانسۇرمەن جانە دۋباي ۇكىمەتىنىڭ قۇقىقتىق ماسەلەلەر جونىندەگى دەپارتامەنتىنىڭ باس ديرەكتورى، دوكتور لواي بەلحوۋلمەن كەزدەستى. تاراپتار قازاقستان مەن ب ا ءا قۇقىقتىق جۇيەلەرىنىڭ قازىرگى احۋالىن ءسوز ەتتى. ال قايرات ءمامي قازاقستان مەن ب ا ءا اراسىنداعى قارىم-قاتىناستىڭ قارقىن الىپ وتىرعاندىعىن ايتا كەلە، ەكى ەلدىڭ سوت قاۋىمداستىعى اراسىندا ودان ءارى جەمىستى ىنتىماقتاستىق ورنايتىندىعىنا سەنىم ءبىلدىردى.
قازاقستان رەسپۋبليكاسى جوعارعى سوتىنىڭ ءتوراعاسى قازاقستاننىڭ سوت جۇيەسى جانە سوت تورەلىگى جۇيەسىن جەتىلدىرۋ باعىتتارى تۋرالى كەڭىنەن اڭگىمەلەپ بەردى. جاڭا ازاماتتىق پروتسەسسۋالدىق جانە اكىمشىلىك پروتسەسسۋالدىق كودەكستەر جوبالارىن ازىرلەۋ، شەتەلدىك ينۆەستورلاردىڭ قاتىسۋىمەن داۋلاردى قارايتىن ينۆەستيتسيالىق سوت قۇرۋ ماسەلەلەرىنە ايىرىقشا نازار اۋدارىلدى.
ساپار شەڭبەرىندە 22- ناۋرىزدا دۋباي حالىقارالىق قارجى ورتالىعىنىڭ جوعارعى سۋدياسى م. حۆانمەن جانە ا ق ش وكرۋگتىك سوتىنىڭ نيۋ-يورك وڭتۇستىك وكرۋگىنىڭ سۋدياسى ا. پرەسكامەن كەزدەسۋ وتكىزۋ جوسپارلانعان.
