كولەڭكەسى جەرگە تۇسپەيتىن ءزاۋلىم عيماراتتى كورەتىن دە كۇن جاقىن
ولاردىڭ ءبىرى كۇن ساۋلەسىن ەكىنشى مۇنارا ءتۇسىرىپ تۇرعان كولەڭكەگە باعىتتاپ، شاعىلىستىرادى. سەبەبى العاشقى مۇنارا قيسايعان زور اينا ىسپەتتەس بولىپ سالىنادى. ونىڭ ەرەكشە ءپىشىنىنىڭ ارقاسىندا شاعىلىسقان كۇن ساۋلەسى كولەڭكە ىزىنەن كۇنى بويى ىلەسىپ وتىرادى. سول ارقىلى عيمارات اينالاسىنداعى كولەڭكە %60 عا قىسقارادى. ءزاۋلىم عيماراتتىڭ جوباسىن NBBJ كومپانياسى جاساعان، دەپ حابارلايدى 24.kz.
مۇنارالار گرينۆيچ تۇبەگىنە ارنالعان. قۇرىلىس كەزىندە قولدانىلاتىن تەحنولوگيا قاۋىپسىزدىكتى كوبىرەك قامتاماسىز ەتەدى. وسىعان دەيىن Walkie Talkie عيماراتىنا ءتۇسىپ شاعىلىسقان كۇن ساۋلەسىنىڭ ىستىعى ونىڭ جانىندا تۇرعان Jaguar كولىگىنىڭ جەكەلەگەن بولىكتەرىن بالقىتىپ جىبەرگەن ەدى. «ال «ەلەس» عيماراتتىڭ ماڭىنا كولىگىڭىزدى قويساڭىز مۇنداي جاعداي بولمايدى»، - دەيدى ارحيتەكتورلار.
