ا ق ش- تىڭ جاڭا ەلشىسى اقوردادا قازاق تىلىندە ءسوز سويلەدى
كرول الدىمەن نۇرسۇلتان نازاربايەۆقا سەنىم گراموتاسىن تاپسىرىپ تۇرىپ قازاقشا سويلەدى. ول ءماتىندى قاعازدان وقىعانىمەن، بۇل قازاقستان پرەزيدەنتىن ەنجار قالدىرمادى، ول بۇعان ىزگى نيەتپەن جىميدى.
ايتا كەتەيىك، بۇگىن سەنىم گراموتالارىن تاپسىرعان وزگە ەلشىلەردىڭ بارلىعى وزدەرىن نازاربايەۆقا اۋدارماشى ارقىلى تانىستىردى، ولاردىڭ اراسىندا كۋۆەيتتىڭ، پاكىستان مەن ساۋد ارابياسىنىڭ ديپلوماتيالىق ميسسيا باسشىلارى بولدى. ال بولگاريانىڭ ەلشىسى ورىس تىلىندە سويلەدى.
سودان كەيىن ەلشىلەردىڭ ءارقايسىسى جۋرناليستەرگە شىقتى. امەريكالىق ديپلومات ول جەردە دە قازاق ءتىلىن بىلەتىنىن كورسەتتى. باسپا سوزگە ارنالعان مالىمدەمەسىن دە ول قازاقستان رەسپۋبليكاسىنىڭ مەملەكەتتىك تىلىندە بەردى. ودان كەيىن ءسوز سويلەگەن بولگاريانىڭ ەلشىسى دە بىرنەشە ءسوزدى قازاق تىلىندە ايتتى.
ايتا كەتەيىك، ا ق ش- تىڭ قازاقستانداعى ەلشىسى جاقىندا عانا تاعايىندالدى. ول قازىردىڭ وزىندە ءبىزدىڭ ەلگە دەگەن سۇيىسپەنشىلىگىن كورسەتىپ ۇلگەردى. بۇعان دەيىن ول قازاقتىڭ ۇلتتىق تاعامدارى قاتتى ۇناعانىن ايتقان بولاتىن. ەلشى قىمىز بەن شۇباتتىڭ وعان قاتتى ۇناعانىن مويىندادى.
