نازاربايەۆتىڭ سايلاۋداعى رەسمي قارسىلاسى پايدا بولدى

سىزدىقوۆتىڭ كانديداتۋراسىن قولدايتىن سايلاۋشىلاردان 98 مىڭ 384 راس قول جينالدى (زاڭ بويىنشا 93 مىڭ 12 قولدان كەم بولماۋى كەرەك).

ءسويتىپ، ول پرەزيدەنتتىككە رەسمي تۇردە ۇمىتكەر ەكىنشى ادام اتاندى. بۇگىن سىزدىقوۆقا ءتيىستى كۋالىك بەرىلدى.

ايتا كەتەيىك، پرەزيدەنتتىككە العاش رەسمي كانديدات رەتىندە قازىرگى مەملەكەت باسشىسى نۇرسۇلتان نازاربايەۆ تىركەلگەن ەدى.

تۇرعىن سىزدىقوۆ الداعى سايلاۋعا قاتىستى بولجامدارى تۋرالى سۇراققا جاۋاپ بەردى. «الدىڭعى سايلاۋداعىدان كەم ەمەس داۋىس جيناۋىمىز كەرەك دەپ ويلايمىن»، - دەدى كانديدات.

ول سايلاۋعا قاتىسۋدىڭ قاشان دا قيسىندى ەكەنىن ايتتى. «قاي كەزدە دە و باستا ءسوز بولعان، كەيىن ءىس- ارەكەتكە اينالادى، قاشان دا قولداۋعا يە بولىپ، قاراپايىم ادامدار ءومىرىن جاقسارتۋ ءۇشىن ءبىزدىڭ پارتياعا داۋىس بەرۋدىڭ ماڭىزدى ەكەنىنە ادامداردى سەندىرە ءبىلۋ كەرەك»، - دەدى ول.

سىزدىقوۆ ءوز باعدارلاماسىن ءار ادامعا جەتكىزۋگە تىرىساتىنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى