فۋتبولدان ءا چ- نىڭ ىرىكتەۋ ماتچى لاڭكەستىك سالدارىنان كەيىنگە قالدىرىلدى
ءتيىستى شەشىمدى فيفا قابىلدادى، دەپ حابارلايدى شەتەلدىك ب ا ق.
ويىن لاحوردا (پاكىستان) سەيسەنبى كۇنى كەشكە ءوتۋى ءتيىس بولاتىن. ف ي ف ا 14 ادامنىڭ اجالىنا، كەم دەگەندە 78 ادامنىڭ زارداپ شەگۋىنە سەبەپ بولعان لاحورداعى تەررورلىق اكتىدەن كەيىن ماتچتى كەيىنگە قالدىرۋ شەشىمىن قابىلدادى.
CNN حابارلاعانداي، جانكەشتى تەررورشىلار قۇلشىلىق ءراسىم ۋاقىتىندا حريستيان شىركەۋى جانىندا جارىلىس ۇيىمداستىردى. جاۋاپكەرشىلىكتى پاكىستاندىق تالىبتەر ءوز موينىنا الدى، ولار بۇل سوڭعى لاڭكەستىك ەمەس ەكەنىن دە ەسكەرتتى.
ف ي ف ا ىرىكتەۋ ماتچىن قاۋىپسىزدىكتى ساقتاۋ ماقساتىندا كەيىنگە اۋىستىردى. كەزدەسۋ كۇنى كەيىنىرەك بەلگىلەنەدى. ويىن بەيتاراپ الاڭدا وتەدى.
يەمەن مەن پاكىستان قۇرامالارى ازياداعى ىرىكتەۋ ءتۋرنيرىنىڭ ءبىرىنشى راۋندىنا قاتىسادى، سونىڭ ناتيجەسى بويىنشا توپتىق تۋرنير قاتىسۋشىلارى ايقىندالادى. ءبىرىنشى راۋندتا جەڭىلگەن كوماندا ويىندى جالعاستىرمايدى.
