الداعى كەزدەسۋلەرىنىڭ ءبىرىن «ارلاندار» استانادا وتكىزەتىن بولدى

- «ارلانداردىڭ» ەل ىشىندەگى جانە شەت ەلدەردە دە تانىمالدىلىعىن ارتتىرۋ ءۇشىن ءبىرشاما جۇمىس ىستەدىك. ونىڭ ءبىرىنشىشىسى WSB جوباسىن قاراعاندىدا وتكىزۋ ەدى. سودان كەيىن توپتىق كەزەڭنىڭ ەكى كەزدەسۋى شىمكەنت قالاسىندا ءوتۋ تۋرالى كەلىسىمگە كەلدىك. ونىڭ ءبىرىنشىسى ءوتتى. پولشا قۇراماسىنا قارسى. ۇيىمداستىرۋ دەڭگەيى جوعارى بولدى. جانكۇيەر دە كوپ جينالدى. ەندى ءازىربايجاننىڭ كومانداسىنا قارسى كەزدەسۋدە دە جانكۇيەردىڭ قاراسى كوپ بولادى دەگەن سەنىمدەمىن. سەبەبى، بۇل بەسىنشى ماۋسىمنىڭ توپتىق كەزەڭ اياسىندا ءوز الاڭىمىزدا وتكىزەتىن سوڭعى جەكپە-جەگى. ودان كەيىن قاتارىنان ءتورت كەزدەسۋدى سىرت الاڭدا وتكىزەمىز.

شىمكەنت قالاسىنان كەيىن ءوز الاڭىمىزداعى جەكپە-جەكتەردى استانا قالاسىندا وتكىزۋدى ويلاستىرىپ وتىرمىز. مەنىڭ ويىمشا، ەلوردادا WSB جوباسىنىڭ ءبىرىنشى جارتىلاي فينالى وتەتىن شىعار»، - دەيدى كلۋبتىڭ باس مەنەدجەرى سەرىك ساپيەۆ.

ايتا كەتەيىك، «استانا ارلاندارى» WSB جوباسىنىڭ توعىزىنشى تۋرىندا پولشا كلۋبىن قابىلداپ، شىمكەنت شارشى الاڭىندا وتكەن كەزدەسۋدە 5:0 ەسەبىمەن جەڭىسكە جەتتى. ەندى ءبىزدىڭ كوماندا 21-ناۋرىز كۇنى ءازىربايجاننىڭ «باكۋ وتتارى» كلۋبىن قابىلدايدى. بۇل جەكپە-جەك تە شىمكەنت قالاسىندا وتەدى.

اۆتور: ۋاليحان قوسانباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى