دەموكراتيا ينستيتۋتى پرەزيدەنتتىك سايلاۋ ناۋقانىنا مونيتورينگ جۇرگىزبەك

ينستيتۋت باسشىسىنىڭ ايتۋىنا قاراعاندا، ەلەكتورالدى كەزەڭ الدىنداعى قوعامدىق پىكىرگە مونيتورينگ جۇرگىزۋ نەگىزىنەن ءۇش ساتىدان تۇرادى. «ونىڭ ءبىرىنشى كەزەڭى 15- ناۋرىزدان باستاپ جۇرگىزىلۋدە جانە ناۋرىزدىڭ 25-ىنە دەيىن جالعاسادى. ەكىنشى كەزەڭىندە 1-7- ءساۋىر ارالىعى قامتىلادى. سوڭعى ءۇشىنشى كەزەڭ - 10-18- ءساۋىر ارالىعىن قامتيدى. بۇل كەزەڭدەر بويىنشا زەرتتەۋ ناتيجەلەرىن ءبىز جاريالاپ وتىراتىن بولامىز»، - دەدى بريفينگ بارىسىندا يۋ. كۋچينسكايا.

ونىڭ ايتۋىنا قاراعاندا، ءاربىر ساۋالناماعا قازاقستاننىڭ بارلىق وڭىرلەرىنەن 2000 رەسپوندەنت قاتىسادى. الەۋمەتتىك زەرتتەۋ ءاربىر ءوڭىردىڭ قالالىق جانە اۋىلدىق ەلدى مەكەندەرىن تەڭدەي قامتىماق. بۇل رەتتە زەرتتەۋ ناتيجەسى بويىنشا اۋىتقۋلار ورتاشا العاندا 2,7 پايىزدىق شەكتە بولادى.

تاعى دا ەسكە سالا كەتەيىك، ق ر پرەزيدەنتىنىڭ سايلاۋى كەزەڭىندە ەلەكتورالدى ناۋقانعا مونيتورينگتى «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ تاپسىرۋى بويىنشا «دەموكراتيا ينستيتۋتى» عىلىمي-زەرتتەۋ قاۋىمداستىعى» قوعامدىق ۇيىمى جۇزەگە اسىراتىن بولادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى