لوندوندا فۋتبولدان وليمپيادا چەمپيونى ب. ارتايەۆ اتىندا تۋرنير ءوتتى

بۇل - وسىمەن ەكىنشى مارتە ءوتىپ وتىرعان شارا. بۇل تۋرنيرگە ابدەن جاتتىققان 16 كوماندا كەلدى. تارتىستى ويىن كورسەتىپ، جانكۇيەرلەر كوڭىلىنەن شىعا ءبىلدى. جاسىل الاڭداعى ەڭ ۇزدىك ويىن بريستول مەن لوندوننىڭ ۋنيۆەرسيتەتتىك كوللەدج كوماندالارى اراسىندا ءوتتى. سايىستىڭ سوڭعى ساتتەرىندە 2:0 ەسەبىمەن جەڭىلىپ جاتقان لوندوندىقتار قارسىلاستارىنان جەڭىستى جۇلىپ الىپ، 3:2 ەسەبىمەن جارتىلاي فينالعا جولداما الدى. قاتارىنان 3 گول سوعىپ، كومانداعا جەڭىس سىيلاعان شابۋىلشى نازار وتەعۇلوۆتىڭ ەڭبەگىن ەرەكشە اتاپ وتكەن ءجون. ول تورەشىلەر تاراپىنان دا جوعارى باعالانىپ، «تۋرنيردىڭ ۇزدىك ويىنشىسى» اتاعىنا يە بولدى.

تۋرنيردىڭ وتۋىنە مۇرىندىق بولعان  ۇلى بريتانياداعى قازاقستان ەلشىلىگى مەن «بولاشاق» حالىقارالىق باعدارلامالار ورتالىعى ەدى. البەتتە شارا يەسى - چەمپيون باقتيار ارتايەۆ تا كوماندالاردى قولداي كەلىپتى. سپورتشى مۇنداي جارىستار سالاۋاتتى ءومىر سالتىن ناسيحاتتاپ قانا قويماي، ەلدەن شالعاي جۇرگەن قازاقستاندىق جاستاردىڭ اۋىزبىرشىلىگىن بەكەم ەتەتىنىن ايتادى. ەلىمىز ءۇشىن تاريحي ءساتتىڭ قارساڭىندا مۇنىڭ اسا ماڭىزدى ەكەندىگىن العا تارتادى ويىنشىلار.

مانچەستەر كومانداسى ەش كۇمانسىز تۋرنير جەڭىمپازى اتاندى. فينالدا USL- ءدى 3:0 ەسەبىمەن تىزە بۇكتىرگەن ولار ارتايەۆ كۋبوگىن يەلەندى. جانىپ تۇرعان جىگەر مەن قاجىرلى ەڭبەك ءسوزسىز ءوز ناتيجەسىن بەردى. سەبەبى، ءدال وسى مانچەستەر كومانداسىنىڭ وكىلدەرى سياقتى بىردە-ءبىر سپورتشى ءوز ىسىنە بەرىلە قويماعان شىعار، ءسىرا. ءۇشىنشى ورىن «ايران» كومانداسىنا بۇيىردى. ول نەگىزىنەن بريتانيادا جۇمىس ىستەۋگە قالعان ۋنيۆەرسيتەت تۇلەكتەرىنەن جاساقتالعان كوماندا ەدى. ال تۋرنير يەلەرى - برۋنەل ۋنيۆەرسيتەتىنىڭ شاكىرتتەرى 4-ورىنعا تابان تىرەسە دە، قارسىلاستارىنا بارىنشا قوناقجايلىق تانىتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى