ويىنحانا، بۋكمەكەرلىك كەڭسە، توتاليزاتورلاردىڭ تۇرعىن ءۇي عيماراتىندا جۇمىس ىستەۋىنە تىيىم سالىنباق

وندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى.

زاڭ جوباسى ەلىمىزدەگى ويىن بيزنەسى سالاسىنداعى زاڭ نورمالارىن جەتىلدىرۋدى كوزدەيدى. مۇندا ويىن بيزنەسى تۋرالى زاڭنامانى اينالىپ وتۋگە مۇمكىندىك بەرەتىن الشاقتىقتار مەن قايشىلىقتاردى جويۋ شارالارىن قاراستىرادى.

سونىمەن قاتار، ينتەرنەت- كازينو قىزمەتىنە، ونىڭ ىشىندە قازاقستان اۋماعىنداعى شەتەلدىك ينتەرنەت- كازينو قىزمەتىنە تىيىم سالۋ بەلگىلەنەدى. بۇدان بولەك، ويىن بيزنەسى سالاسىندا ليتسەنزيا الۋ كەزىندە ءوتىنىش بەرۋشىلەردىڭ تالاپتارىن قاتاڭداتۋ قاراستىرىلادى.

سونىمەن قاتار، ويىن بيزنەسى سالاسىنا سالىناتىن سالىق مولشەرى ارتا تۇسەدى.

اتاپ ايتقاندا، جوبا بويىنشا بۋكمەكەرلىك كەڭسە جانە توتاليزاتور كاسسالارىنان الىناتىن سالىق 75 ايلىق ەسەپتىك كورسەتكىشتەن (138900 تەڭگە) 150 ايلىق ەسەپتىك كورسەتكىشكە دەيىن (277800 تەڭگە دەيىن) ۇلعاياتىن بولادى.

ال بۋكمەكەر كەڭسەسى مەن توتاليزاتوردىڭ ەلەكتروندىق كاسساسىنا سالىناتىن سالىق 2000-ايلىق ەسەپتىك كورسەتكىشكە دەيىن (3 ميلليون 704 مىڭ تەڭگە) ارتادى. بۇل رەتتە ەلەكتروندىق كاسساعا سالىقتى ارتتىرۋ نەگىزىنەن ونى پايدالانۋشىلاردىڭ كوپتىگىنە قاراي ورىن الىپ وتىر. ماسەلەن، ورتا ەسەپپەن العاندا ينتەرنەت- رەسۋرس ارقىلى ءباس تىگۋگە تىركەلگەن قاتىسۋشىلاردىڭ سانى 200 مىڭ ادامعا جەتەدى ءارى ولاردىڭ 50 پايىزى تۇراقتى قاتىسۋشىلار بولىپ تابىلادى.

بۇدان بولەك، ويىن مەكەمەلەرىن، بۋكمەكەر كەڭسەسى كاسسالارىن جانە توتاليزاتورلاردى تۇرعىن ءۇي عيماراتتارىنا ورنالاستىرۋعا تىيىم سالىنادى.

زاڭ جوباسى پالاتانىڭ الداعى ۋاقىتتا وتەتىن جالپى وتىرىسىنا شىعارىلادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى